බුර්කා සහ නිකාබ් තහනමක් - පන්ති කාමරවල සිටින විදේශීය සිසුන් අඩු කිරීමටත් තීරණයක් - නීති දැඬි කල මෙලෝනි

පන්ති කාමරවල සිටින විදේශීය සිසුන් සංඛ්‍යාව සීමා කිරීමටත්, පාසල් තුළ බුර්කා (burqa) සහ නිකාබ් (niqab) ඇඳුම් තහනම් කිරීමටත් පියවරක් හඳුන්වා දෙන බව ඉතාලි අගමැතිනි ජෝර්ජියා මෙලෝනි ප්‍රකාශ කර ඇත.

"පාසල් පද්ධතියට අනුගත වීමේදී බරපතල දුෂ්කරතාවලට මුහුණ දෙන" විදේශීය සිසුන්ගේ දෙමාපියන් සඳහා ඉතාලි භාෂා පාඩම් අනිවාර්ය කිරීම ද මෙම යෝජනාවට ඇතුළත් වේ.

පාසල් වසා දැමීම සම්බන්ධයෙන් විශේෂ නිවේදනයක් - විදුහල්පතිවරුන්ට හා කලාප අධ්‍යක්ෂවරුන්ට උපදෙස්

පන්ති කාමරවල සිටින විදේශීය සිසුන් සංඛ්‍යාව සීමා කරන සහ පාසල් තුළ බුර්කා සහ නිකාබ් ඇඳීම තහනම් කරන පියවරක් තම රජය විසින් ඉක්මනින් හඳුන්වා දෙන බව ඉතාලි අගමැතිනි ජෝර්ජියා මෙලෝනි ප්‍රකාශ කළාය.

රෝමයේ පැවති උත්සවයකදී ඇයගේ ජාතිකවාදී-කොන්සර්වේටිව් (සම්ප්‍රදායික මතධාරී) පක්ෂය වන 'බ්‍රදර්ස් ඔෆ් ඉතාලි' (Brothers of Italy) හි තරුණ අංශය අමතමින් මෙලෝනි පැවසුවේ, "පාසල් පද්ධතියට අනුගත වීමේදී බරපතල දුෂ්කරතාවලට මුහුණ දෙන" විදේශීය සිසුන්ගේ දෙමාපියන් සඳහා ඉතාලි භාෂා පාඩම් අනිවාර්ය කිරීමට ද මෙම පියවර මගින් කටයුතු යොදන බවයි.

විශ්‍රාමික නිලධාරියා අනතුරේ - රාජ්‍ය බැංකුවේ ඇප් එකෙන්ම ලක්ෂ ගාණකට වග කියන අපරාධකරුවන්

"අපට අනුව, ඉතාලියට පැමිණ මෙහි තම අනාගතය ගොඩනඟා ගැනීමට කැමති ඕනෑම අයෙකු අපගේ භාෂාව ඉගෙන ගත යුතුය, අපගේ සංස්කෘතිය තේරුම් ගත යුතුය සහ අපගේ නීතිවලට ගරු කළ යුතුය," යනුවෙන් මෙලෝනි පැවසූවාය.

සම්පූර්ණ ශරීරය සහ මුහුණ ආවරණය කරන ඇඳුමක් වන බුර්කාව සහ ඇස් පමණක් පෙනෙන පරිදි මුහුණ ආවරණය කරන නිකාබය තහනම් කිරීම ගැන මෙලෝනි විශේෂයෙන් සඳහන් කළාය. මුහුණ ආවරණය නොවන පරිදි සමහර මුස්ලිම් කාන්තාවන් පළඳින හිස් ආවරණයක් වන හිජාබය (hijab) ගැන ඇය සඳහන් කළේ නැත.

ලංකාවට රතු නිවේදනයක් - බෙංගාල බොක්කේ අඩු පීඩන කලාපය පීඩන අවපාතයක් දක්වා වර්ධනය වෙයි

යෝජිත මෙම පියවර නීතියක් බවට පත්වීම සඳහා, රජය විසින් එය සම්මත කර දින 60ක් ඇතුළත ඉතාලි පාර්ලිමේන්තුවේ අනුමැතිය ලබා ගත යුතුව ඇත.

අගමැතිනිය ලෙස පත්වූ දා සිට සංක්‍රමණිකයන් සම්බන්ධයෙන් දැඩි ස්ථාවරයක් මෙලෝනි විසින් අනුගමනය කර ඇති නමුත්, යුරෝපය තුළ ඇයගේ දේශපාලන තත්ත්වය ජාතිකවාදී මතධාරී පිටස්තර චරිතයක සිට යුරෝපා සංගමයේ නායකයින් අතර වඩාත් පිළිගත් චරිතයක් දක්වා වර්ධනය වී ඇත.