“iPhone එක නමන්න පුළුවන් වෙයි කියලා කවුරුත් හිතුවේ නෑ” - අලුත්ම iPhone එකේ සුපිරි වැඩ කෑලි මෙන්න

නැමිය හැකි ස්මාර්ට්ෆෝන් වෙළෙඳපොළට නව පිවිසුමක් සනිටුහන් කරමින් Apple සමාගම සිය පළමු නැමිය හැකි iPhone මාදිලිය වන iPhone Duo නිල වශයෙන් හඳුන්වා දී තිබේ. Apple සමාගම පවසන්නේ iPhone Duo, දුරකථනය විවෘත කළ විට අඟල් 7.6ක අභ්‍යන්තර තිරයකින් සමන්විත වන අතර, එය iPhone එකක මෙතෙක් ලබාදී ඇති විශාලතම තිරය බවයි.

විවෘත කළ අවස්ථාවේදී එය මෙතෙක් නිෂ්පාදනය කළ සිහින්ම iPhone එක ලෙසද හඳුන්වා දී තිබේ. නැමූ විට අඟල් 5.4ක බාහිර Super Retina XDR තිරයක් භාවිත කළ හැකි අතර, එය iPhone 18 Pro හි තිර ප්‍රමාණයෙන් සියයට 90කට සමාන ප්‍රදේශයක් ලබාදෙන බව Apple සඳහන් කරයි.

තිර දෙකෙහිම aspect ratio එක සමාන වන බැවින් දුරකථනය විවෘත කළත් නැමූවත් අන්තර්ගතය අඛණ්ඩව පෙනෙන ආකාරයෙන් නිර්මාණය කර තිබේ. අභ්‍යන්තර තිරය සඳහා glare සහ reflection අඩු කරන nano-texture නිමාවක් යොදා ඇති අතර, එමගින් නැමීමේ ස්ථානයේ ඇති සලකුණද අඩුවෙන් පෙනෙන බව Apple පවසයි.

තිර දෙකම ProMotion, Always-On Display සහ උපරිම nits 3,000ක outdoor brightness පහසුකම්වලින් සමන්විතය.

ටයිටේනියම් නිමාවක් සහ ශක්තිමත් hinge එකක්

iPhone Duo Grade 5 titanium භාවිතයෙන් නිෂ්පාදනය කර ඇති අතර, mirror-polished නිමාවකින් යුක්තය.

එහි hinge එක සංරචක 100කට වැඩි ප්‍රමාණයකින් නිර්මාණය කර ඇති අතර, දුරකථනය විවෘත කිරීම සහ නැවත නැමීම වඩාත් සුමටව සිදුකිරීමට එය සැලසුම් කර තිබේ. පිටුපස Ceramic Shield සහ ඉදිරිපස Ceramic Shield 2 භාවිත කර ඇති අතර, ඉදිරිපස ආරක්ෂිත වීදුරුව පෙර පරම්පරාවට වඩා තුන් ගුණයකින් වැඩි scratch resistance එකක් ලබාදෙන බව සමාගම පවසයි.

එමෙන්ම iPhone Duo IP68 මට්ටමේ splash, water සහ dust resistance පහසුකමකින්ද සමන්විත වේ.

A20 Pro චිපයෙන් බලගැන්වෙයි

iPhone Duo බලගැන්වෙන්නේ iPhone 18 Pro මාදිලිවලද භාවිත වන A20 Pro චිපයෙනි.

Apple සමාගමට අනුව, නව thermal management පද්ධතියක් සහ විශේෂ vapor chamber එකක් මගින් දුරකථනයේ උෂ්ණත්වය පාලනය කරමින් දිගු වේලාවක් ඉහළ කාර්යසාධනයක් පවත්වා ගැනීමට හැකියාව ලබාදී තිබේ.

A20 Pro හි CPU එක A19 Proට වඩා සියයට 20කින් පමණ වේගවත් වන අතර, GPU කාර්යසාධනය සියයට 40කින් පමණ වැඩි බව Apple සඳහන් කරයි.

නව Neural Engine පද්ධතිය හරහා උපාංගය තුළම ක්‍රියාත්මක වන AI කාර්යයන් සඳහාද වැඩි බලයක් ලබාදේ.

නොකළොත් දඬ කන්න වෙයි - සුනඛයින් වෙනුවෙන් විශේෂ නීතියක් - සුනඛ අයිතිකරුවන්ට විශේෂ ගැසට් පත්‍රයක් ඉදිරියේදී

කැමරා පද්ධතියෙන් නව අත්දැකීම්

iPhone Duo හි ප්‍රධාන කැමරාව ලෙස 48MP Fusion Main කැමරාවක් ලබාදී ඇති අතර, 48MP Fusion Ultra Wide කැමරාවක්ද ඊට ඇතුළත්ය.

ප්‍රධාන කැමරාව හරහා 48MP දක්වා ඡායාරූප ලබාගත හැකි අතර, 2x optical-quality Telephoto පහසුකමක්ද හිමිවේ. අඩු ආලෝක තත්ත්වයන් යටතේ ඡායාරූප ලබාගැනීම වැඩිදියුණු කිරීම සඳහා විශාල sensor එකක්, වේගවත් aperture එකක් සහ sensor-shift optical image stabilization භාවිත කර තිබේ.

නැමිය හැකි ආකෘතිය නිසා සාමාන්‍ය iPhone මාදිලිවල නොමැති නව කැමරා භාවිත කිහිපයක්ද හඳුන්වා දී ඇත. ඒ අතර Smart Take මගින් පුද්ගලයන් ඡායාරූපයකට පෙනී සිටින සුදුසු අවස්ථාව හඳුනාගෙන ස්වයංක්‍රීයව ඡායාරූප ගැනීම, Duo Preview මගින් බාහිර තිරයෙන් ඡායාරූපයේ live preview එක බැලීම සහ Duo FaceTime මගින් බාහිර තිරය භාවිත කරමින් වෙනත් පුද්ගලයන්ට වීඩියෝ ඇමතුමකට සම්බන්ධ වීම වැනි පහසුකම් ඇතුළත්ය.

ප්‍රධාන කැමරාවෙන් Dolby Vision සමඟ 4K 120fps වීඩියෝ පටිගත කළ හැකි අතර, පසුව playback වේගය වෙනස් කර slow-motion වීඩියෝ නිර්මාණය කිරීමටද හැකියාව තිබේ.

iOS 27 සමඟ නව බහුකාර්ය අත්දැකීමක්

iPhone Duo සඳහා iOS 27 විශේෂයෙන් සකස් කර ඇති අතර, නැමිය හැකි තිරය උපරිම ලෙස භාවිත කළ හැකි ආකාරයෙන් මෙහෙයුම් පද්ධතියේ අතුරුමුහුණතද වෙනස් කර තිබේ.

විශාල අභ්‍යන්තර තිරය භාවිත කරමින් පළමු වරට iPhone එකක යෙදුම් දෙකක් එකවර පැත්තකින් පැත්තට විවෘත කළ හැකි Split View පහසුකම ලබාදී ඇත.

එමෙන්ම එකම යෙදුමේ window දෙකක් විවෘත කිරීම සහ යෙදුම් අතර ඉක්මනින් මාරුවීමද සිදුකළ හැකිය.

Siri AI සහ Apple Intelligence

iPhone Duo සමඟ Apple Intelligence සහ නව Siri AI පහසුකම්ද හඳුන්වා දී තිබේ.

Siri AI හරහා පරිශීලකයාගේ messages, emails සහ photos වැනි පෞද්ගලික තොරතුරු සන්දර්භයක් ලෙස භාවිත කර අවශ්‍ය තොරතුරු සොයාගැනීමට මෙන්ම, තිරයේ පෙන්වන අන්තර්ගතය හඳුනාගෙන ඒ සම්බන්ධ ක්‍රියා සිදුකිරීමටද හැකියාව ලබාදීමට Apple කටයුතු කර ඇත.

Apple පවසන්නේ AI කාර්යයන් සඳහා උපාංගය තුළම processing සිදුකිරීම සහ Private Cloud Compute භාවිත කිරීම හරහා පෞද්ගලිකත්වය සහ ආරක්ෂාවද ආරක්ෂා කිරීමට කටයුතු කර ඇති බවයි.

පැය 31ක් දක්වා වීඩියෝ නැරඹීමේ හැකියාව

iPhone Duo හි දුරකථනයේ දෙපසට වෙන වෙනම high-energy batteries යොදා ඇති අතර, ඒවා එක් බැටරියක් ලෙස ක්‍රියා කරන ආකාරයෙන් සැලසුම් කර තිබේ.

Apple පවසන්නේ අභ්‍යන්තර තිරය භාවිත කරමින් පැය 31ක් දක්වාත්, බාහිර තිරය භාවිත කරමින් පැය 44ක් දක්වාත් වීඩියෝ playback ලබාගත හැකි බවයි. තිර දෙකම සමානව භාවිත කළ විට පැය 24ක් දක්වා භාවිත කළ හැකි බවද සමාගම සඳහන් කරයි.

දුරකථනය විනාඩි 20ක පමණ කාලයකදී සියයට 50ක් දක්වා වේගයෙන් charge කළ හැකි අතර, MagSafe හෝ Qi2 charger එකක් භාවිත කළ විට විනාඩි 30ක පමණ කාලයකදී සියයට 50ක් දක්වා wireless charging ලබාගත හැකිය.

මිල ඩොලර් 1,999කින් ආරම්භ වෙයි

iPhone Duo Star White සහ Night Sky යන වර්ණ දෙකකින් ලබාගත හැකිය. 256GB, 512GB, 1TB සහ 2TB storage විකල්ප සමඟ එහි ආරම්භක මිල ඇමෙරිකානු ඩොලර් 1,999ක් ලෙස Apple සමාගම නිවේදනය කර තිබේ.

iPhone Duo සඳහා පෙර ඇණවුම් ඔක්තෝබර් 16 වැනිදා ආරම්භ වන අතර, වෙළෙඳපොළට නිකුත් කිරීම ඔක්තෝබර් 23 වැනිදා සිදු කිරීමට නියමිතය.

නව iPhone Duo සමඟම නව ආරක්ෂිත ආවරණ කිහිපයක්ද Apple හඳුන්වා දී ඇති අතර, iPhone Duo Case එක ඇමෙරිකානු ඩොලර් 79කින්ද, kickstand සහිත iPhone Duo Folio එක ඩොලර් 129කින්ද මිල කර තිබේ.

Apple සමාගමට අනුව iPhone Duo රටවල් සහ කලාප 70කට වැඩි ප්‍රමාණයකදී පළමු අදියරේදී ලබාගත හැකි අතර, පසුව තවත් රටවල් සහ කලාප 28කට එය හඳුන්වාදීමට නියමිතය.

“බින් ලාඩන්ගේ ප්‍රහාර ලැයිස්තුවේ ඉන්දියාවත් ඉඳලා” - වසර 25කට පසු CIA ලේඛනවලින් හෙළි වූ කතාව