තැන තැන හසුවන නීති විරෝධී ගිනි අවි

 දිවයිනේ ප්‍රදේශ කිහිපයකින් නීතිවිරෝධී ගිනිඅවි කිහිපයක් සොයා ගැනීමට පොලිසියට හැකිව තිබේ.

ඒ අනුව ඇල්පිටිය පොලිස් වසමේ මන්ඩකන්ද ප්‍රදේශයේදී ඇල්පිටිය පොලිස් ස්ථානයේ නිලධාරීන් කණ්ඩායමක් විසින් ලද තොරතුරුක් මත වැටලීමක් සිදු කිරීමෙන් ටී 56 වර්ගයේ පතොරොම් යෙදිය හැකි රිවෝල්වර අවියක් සහ ටී 56 පතොරොම් 03ක් සමඟ සැකකරුවෙකු අත්අඩංගුවට ගෙන ඇත.

අත්අඩංගුවට ගෙන ඇත්තේ අවුරුදු 44ක් වන මන්ඩකන්ද, කරන්දෙණිය ප්‍රදේශයේ පදිංචිකරුවෙකි.

අද දවසේ ඔබේ ලග්නයට කොහොමද?

තවද දඹගල්ල පොලිස් වසමේ කොල්ලාදෙනිය ප්‍රදේශයේදී දඹගල්ල පොලිස් ස්ථානයේ නිලධාරීන් කණ්ඩායමක් විසින් ලද තොරතුරක් මත සිදුකරන ලද වැටලීමකිද මෙරට නිශ්පාදිත ගිනි අවියක් සමඟ සැකකරුවෙකු අත්අඩංගුවට ගෙන ඇති අතර අත්අඩංගුවට පත් සැකකරු අවුරුදු 30ක් වන ඌව ගංගොඩගම ප්‍රදේශයේ පදිංචිකරුවෙකි.  

එමෙන්ම උළුක්කුලම පොලිස් වසමේ පාවක්කුලම ප්‍රදේශයේදී උළුක්කුලම පොලිස් ස්ථානයේ නිලධාරීන් කණ්ඩායමකට ලද තොරතුරක් මත වැටලීමක් සිදුකර මෙරට නිෂ්පාදිත ගිනි අවි දෙකක් සමඟ සැකකරුවන් දෙදෙනෙකු අත්අඩංගුවට ගෙන තිබෙන අතර අත්අඩංගුවට ගත් සැකකරුවන් අවුරුදු 27 හා 32 වයස්වල පසුවන පාවක්කුලම ප්‍රදේශයේ පදිංචිකරුවෙකි.

මේ අතර කොටවෙහෙර පොලිස් වසමේ ගල්ලෑගොඩ ප්‍රදේශයේදී ගොටවෙහෙර පොලිසියේ නිලදාරීන් කණ්ඩායමකට ලද තොරතුරක් මත සිදුකළ වැටලීමකදි මෙරට නිශ්පාදිත ගිනි අවියක් සමඟ අවුරුදු 56ක් වූ ගල්ලෑගොඩ ප්‍රදේශයේ සැකකරුවෙකු අත්අඩංගුවට ගෙන තිබේ.

එමෙන්ම කඩවත පොලිස් වසමේ ඇල්දෙණිය ප්‍රදේශයේදී ද පොලිස් විශේෂ කාර්ය බලකා සංවිධානාත්මක අපරාධ මර්ධන ඒකකයේ නිලධාරීන් කණ්ඩායමක් විසින් ලද තොරතුරක් මත වැටලීමක් සිදුකර තිබේ.

පාර්ලිමේන්තු මන්ත්‍රීවරුන් 159 දෙනෙකු ද තමන් බොරු කී බව ඔප්පු කළහ!

එහිදී ඇල්දෙණිය සුවසෙත උයන ආසන්නයේ ඇති විදුලි සංඥා කුළුණක් ආසන්නේ ඇති ලඳු කැලෑවක සඟවා තිබූ මි.මී 09 වර්ගයේ ගිනි අවියක් හා මි.මී 09 වර්ගයේ පතොරොමක් සොයාගෙන ඇත.

මෙම අවිය මෙම ස්ථානයේ සැඟවූ පුද්ගලයින් සොයා කඩවත පොලිසිය වැඩිදුර විමර්ශන සිදු කරති.