මුළු මැද පෙරදිගම එකම ලේ විලක් - පලියට පලිය ගන්න සෞදි අරාබියෙන් මිසයිල ප්රහාර මාලාවක්
සෞදි අරාබිය විසින් යේමනයේ පවතින හූති ඉලක්ක වෙත එල්ල කරන ලද ගුවන් ප්රහාර මාලාවෙන් අනතුරුව, ඊට ප්රතිචාර ලෙස සෞදි අරාබියේ ජිසාන් නගරය වෙත මිසයිල ප්රහාරයක් එල්ල කළ බව ඉරාන හිතවාදී හූති සංවිධානය ප්රකාශ කරයි.
සෙනසුරාදා අලුයම හූතිවරුන්ගේ 'අන්සාරුල්ලා' මාධ්ය ජාලය ඔස්සේ නිවේදනයක් නිකුත් කරමින් සඳහන් කර සිටියේ, මෙම යේමන මිසයිල ප්රහාරය හේතුවෙන් ජිසාන් නගරයේ හදිසි ගිනිගැනීමක් හටගෙන ඇති බවයි.
ප්රහාරය එල්ල වන අවස්ථාව වන විටත් සෞදි බලධාරීන් විසින් අදාළ ප්රදේශය සඳහා හදිසි අනතුරු ඇඟවීම් නිකුත් කර තිබුණි. පසුගිය සිකුරාදා දිනයේදී යේමනයේ හෝඩෙයිඩා වරාය නගරයට සහ ඊට ආසන්න දූපතකට සෞදි අරාබිය එල්ල කළ ගුවන් ප්රහාරවලින් පසු, ඊට එරෙහිව ප්රබල ප්රතිප්රහාර එල්ල කරන බවට හූති සංවිධානය දැඩි ලෙස අවධාරණය කර තිබුණි.
මේ අතර, පසුගිය සති දෙකක කාලය තුළ ප්රථම වතාවට අමෙරිකාව හෝ ඉරානය විසින් මෙම පුළුල් කලාපය තුළ රාත්රී ගුවන් ප්රහාර එල්ල කළ බවට කිසිදු වාර්තාවක් ලැබී නොතිබීම ද විශේෂත්වයකි.
කෙසේ වෙතත්, ධවල මන්දිරයේදී මාධ්යවේදීන් ඇමතූ අමෙරිකානු ජනාධිපති ඩොනල්ඩ් ට්රම්ප් ප්රකාශ කර සිටියේ, රාජ්ය තාන්ත්රික සාකච්ඡා තවදුරටත් ක්රියාත්මක වන අතරම අවශ්යතාවයක් මතුවුවහොත් ඕනෑම අවස්ථාවක තවත් ප්රහාර එල්ල කිරීමට තම පාර්ශ්වය සූදානමින් සිටින බවයි.
![ඉන්දියාවම ඇවිලෙද්දි පැය 24 තුළ මෝදි දාපු වීඩියෝව නැරඹුම් වාර මිලියන 300 ක් පහු කරයි - වයරල් කරාට ස්තූති කරමින් තවත් වීඩියෝවක් [VIDEO]](https://cdn.ibcstack.com/article/113c309f-5c46-4591-91b6-1cd7eacfde65/26-6a6434a052f0c-sm.webp)
![පාර්ලිමේන්තු සභාවාරය ඇරඹෙයි [VIDEO]](https://cdn.ibcstack.com/article/e2e4c5ac-d6b0-47ba-b52e-6e5c26d57fa5/26-6a6194188d3ee-sm.webp)
![හරීන් ඇමතිතුමා වාචිකව පොරොන්දු වෙච්ච ඩොලර් ලක්ෂ තුන යුපුන් අපෙන් ඉල්ලනවා - රටක් ආදරය කළ යුපුන් කළකිරීමෙන් ක්රීඩාවෙන් සමුගද්දි ක්රීඩා ඇමති කට අරී [VIDEO]](https://cdn.ibcstack.com/article/ded762a6-9b9a-458b-90f3-f09ce9f6a977/26-6a60f83e3c1b6-sm.webp)
![නාමල් රාජපක්ෂට විපක්ෂ නායකත්වය.. දේශපාලන වේදිකා හොල්ලමින් විපක්ෂ නායකවරයාට පොහොට්ටුව ප්රසිද්ධියෙම කියයි [VIDEO]](https://cdn.ibcstack.com/article/3379e005-8639-43f4-a0e6-f501f2578ca2/26-6a5aefee6dd3e-sm.webp)
