ජපානයේ කාලගුණය කැළඹෙයි - රටම නොසන්සුන් වෙද්දි නාය යෑම් සහ ගංවතුර අනතුරු ඇඟවීම් නිකුත් කරයි

නිරිතදිග ජපානයේ දකුණු කියුෂු දූපතට අද(07) දින තද වැසි ඇද හැළුණ අතර, කාලගුණ ඒජන්සිය නායයෑම්, පහත් බිම්වල ගංවතුර හෝ පිටාර ගැලීම පිළිබඳ අනතුරු ඇඟවීමක් නිකුත් කර ඇත.

එසේම මියාසාකි සහ කගෝෂිමා ප්‍රාන්තවල අද උදෑසන වන විට එකම ප්‍රදේශය පුරා අනුපිළිවෙලින් සෑදෙන තද වැසි වලාකුළු කලාප වර්ධනය වී තිබෙනවා.

එමඟින් ආපදා අවදානම තියුණු ආකාරයෙන් වැඩි වී ඇති බව ජපාන කාලගුණ විද්‍යා ඒජන්සිය සඳහන් කරයි.

එමෙන්ම බටහිර ජපානය පුරා වායුගෝලීය තත්ත්වයන් ඉතා අස්ථායීව පවතින බවත් ජපානයේ ප්‍රධාන දූපත් හතරෙන් එකක් වන ෂිකෝකු ද අනතුරු ඇඟවීම් ඇති කිරීමට තරම් තද වර්ෂාපතනයකට මුහුණ දිය හැකි බවත් එම ඒජන්සිය වැඩිදුරටත් දන්වා ඇත.

සුළු මොහොතකට පෙර දිවයිනටම නිවේදනයක් - ඉදිරි පැය 36 වෙන්නේ මේකයි

එමෙන්ම ඒජන්සියට අනුව, කාලගුණ පෙරමුණක් චීන ප්‍රධාන භූමියේ සිට නිරිතදිග ජපානයේ නැන්සෙයි දූපත් හරහා රටේ දකුණට විහිදෙන අතර, නැගෙනහිර චීන මුහුදට ඉහළින් අඩු පීඩන පද්ධතියක් ඉදිරිපසින් නැගෙනහිර-ඊසාන දෙසට ගමන් කරයි.

උණුසුම්, තෙතමනය සහිත වාතය ඉදිරිපස සහ අඩු පීඩන පද්ධතිය දෙසට ගලා යන අතරවාරයේ බටහිර ජපානයේ සහ නැන්සෙයි දූපත් වල සමහර ප්‍රදේශවලට ගිගුරුම් සහිත තද වැසි ඇති විය හැක.

හෙට(08) එනම් සඳුදා උදෑසන 6 වන විට, පැය 24 තුළ ෂිකෝකු හි මිලිමීටර් 300 ක් දක්වා සහ දකුණු කියුෂු සහ අමාමි කලාපයේ මිලිමීටර් 150 ක් දක්වා වර්ෂාපතනයක් අපේක්ෂා කෙරෙන බව සඳහන්.

මේ අයට පොලීසියෙන් දැනුම්දීමක් - උදෑසන 8.00 සිට සවස 5.00 තෙක් වලංගු වෙයි

මේ අතර, එම ආයතනය සඳහන් කර ඇත්තේ මධ්‍යම ජපානයේ ටෝකායි කලාපය සහ හොන්ෂු ප්‍රධාන දූපතේ ටෝකියෝ ඇතුළු කන්ටෝ-කොෂින් කලාපය වැසි සමයට අවතීර්ණ වී ඇති බවත්, එය සාමාන්‍යයෙන් ජූලි මැද සිට අග දක්වා පවතින බවත්ය.

කෙසේ වෙතත් කලාප දෙකෙහිම වළාකුළු සහිත සහ වැසි සහිත කාලගුණයක් පවතින බව සඳහන්.

එමෙන්ම ඉදිරි සතිය තුළ ද එම ප්‍රදේශවලට බලපාන ඉදිරි සුළං සහ තෙතමනය සහිත වාතය නිසා සමාන තත්ත්වයන් පුරෝකථනය කර ඇති බව පවසයි.

පවතින තත්ත්වය සමඟ මුළු ලංකාවටම පැය 24ක් වලංගු නිවේදනයක්