ගෝඨාභයගේ පෙත්සම දෙවන දිනටත් විභාග කිරීම ආරම්භ කරයි

පාස්කු ඉරුදින එල්ල වූ මරාගෙන මැරෙන ත්‍රස්ත ප්‍රහාර සිද්ධිය සම්බන්ධයෙන් දැනට සිදුකරනු ලබන විශේෂ විමර්ශනවලට අදාළව තමන්ව නීතිවිරෝධී ලෙස අත්අඩංගුවට ගැනීම සම්පූර්ණයෙන්ම වැළැක්වීමේ නීතිමය නියෝගයක් නිකුත් කරන ලෙස ඉල්ලා හිටපු ජනාධිපති ගෝඨාභය රාජපක්ෂ මහතා විසින් අධිකරණයට ඉදිරිපත් කළ විශේෂ රිට් පෙත්සම 2 වන දිනටත් මේ වන විට අභියාචනාධිකරණය හමුවේ දීර්ඝ ලෙස සලකා බැලීම නිල වශයෙන් ආරම්භ වී තිබේ.

හිටපු ජනපති ගෝඨාභය රාජපක්ෂ අද අත්අඩංගුවට ගනීද? රටම බලා සිටි පෙත්සමේ වැඩිදුර කරුණු සලකා බැලීම අද

අභියාචනාධීකරණයේ සභාපති විනිසුරු රොහාන්ත අබේසූරිය සහ සරත් දිසානායක යන මහත්වරුන්ගෙන් සමන්විත සුවිශේෂී අභියාචනාධිකරණ ද්විපුද්ගල විනිසුරු මඩුල්ල ඉදිරියේ මෙම පෙත්සම දැනට සලකා බැලෙමින් පවතී.

මෙහිදී පෙත්සම්කාර හිටපු ජනාධිපති ගෝඨාභය රාජපක්ෂ මහතා වෙනුවෙන් පෙනී සිටින ජනාධිපති නීතීඥ රොමේෂ් ද සිල්වා මහතා සිය සේවාදායකයා වෙනුවෙන් අධිකරණය හමුවේ තවදුරටත් ඉතාමත් දීර්ඝ ලෙස නීතිමය කරුණු දැක්වීම් සිදුකරයි.

රට යන්න ඉන්න අයට සුභ ආරංචියක් - අඩුම මිලට ලාබ ගුවන් සේවයක් ලංකාවට

මෙම අවස්ථාවේදී වගඋත්තරකරුවන් වෙනුවෙන් රජය නියෝජනය කරමින් නියෝජ්‍ය සොලිසිටර් ජෙනරාල් සූහර්ශී හේරත් මහත්මිය පෙනී සිටී.

හිටපු ජනාධිපතිවරයා විසින් ඉදිරිපත් කළ මෙම ආන්දෝලනාත්මක පෙත්සමේ ප්‍රධාන වගඋත්තරකරුවන් ලෙස ශ්‍රී ලංකා පොලිස්පතිවරයා, අපරාධ පරීක්ෂණ දෙපාර්තමේන්තුවේ අධ්‍යක්ෂ ශානි අබේසේකර, එහි ප්‍රධාන ස්ථානාධිපති මාධව ගුණවර්ධන සහ රජයේ නීතිපතිවරයා නිල වශයෙන් නම් කර තිබේ.