STF ඉතිහාසය පළමු වරට අලුත් කළ කාන්තාව..සියලු විස්තර..

STF police officer NTN Kumari police departnment
By Sewvandhi Jan 09, 2022 12:38 PM GMT
Sewvandhi

Sewvandhi

Report

ප්‍රධාන පොලිස් පරීක්ෂකවරියක් ලෙස කටයුතු කළ එන්. ටී. එන් කුමාරි මහත්මිය පොලිස් විශේෂ කාර්ය බළකායේ සහකාර පොලිස් අධිකාරී තනතුර දක්වා උසස් කර තිබේ. ඒ අනුව පොලිස් විශේෂ කාර්ය බළකායේ ප්‍රථම සහකාර පොලිස් අධිකාරිවරිය වන්නේ ද ඇයයි.

ඊට අමතරව තවත් සහකාර පොලිස් අධිකාරීවරුන් 8ක් පත්කර තිබේ. ජාතික ආරක්ෂාව හා නීතිය හා සාමය ආරක්ෂා කරගැනීම සඳහා දැක්වූ විශේෂ කුසලතාවන් මෙන්ම සේවා අවශ්‍යතා මත ප්‍රධාන පොලිස් පරීක්ෂක තනතුරේ සිට සහකාර පොලිස් අධිකාරි තනතුර දක්වා විශේෂ කාර්ය බළකායේ නිලධාරින් සඳහා මෙම උසස්වීම් සිදුකර ඇත.

පොලිස් දෙපාර්තමේන්තු⁣වේ සහ විශේෂ කාර්ය බළකායේ මෙන්න ආරක්ෂක අමාත්‍යාංශයේ නිර්දේශය මත රාජ්‍ය සේවා කොමිෂන් සභාව විසින් එම පත්වීම් සිදුකර තිබේ. විශේෂ කාර්ය බළකායේ ප්‍රධාන පොලිස් පරීක්ෂක තනතුරේ සිටි නිලධාරින් 52කින් සහ නිලධාරිනියන් දෙදෙනෙකුගෙන් මෙම තෝරාගැනීම් සිදු කර තිබුණි.

ඒ අතරින් සියලු දක්ෂතා දක්වා තිබූ නිලධාරීන් 8කට සහ නිලධාරිනියකට මෙම උසස්වීම් ලබාදී ඇත. ඒ අනුව ප්‍රධාන පොලිස් පරීක්ෂක තනතුරේ සිට සහකාර පොලිස් අධිකාරී තනතුරට පත්වූ නිලධාරීන් වන්නේ ඩී. එස්. කුලසේකර, ඩබ්ලිව්. ඒ. පී. සම්පත් කුමාර, අයි. එස්. ටී පෙරේරා, ඩබ්ලිව්. ඩී. එස්. ද සිල්වා, කේ.ජී.ජී.ජී නිශාන්ත, ඊ.ඒ.එම්. දයාරත්න, කේ. ඩී. ජී. සී. ගුණරත්න සහ ඒ. පී. ඊ. පී. කුලරත්න ය.


සිව්දෙසින් ගලා එන තොරතුරු සැමට කලින්, එසැනින් දැන ගන්න ගගන whatsApp,වෙත පිවිසෙන්න.... 
Join Now