කොවිඩ් අභියෝග මැදින් ශ්‍රී ලංකාවේ සංචාරක ව්‍යාපාරයට ලෝක මට්ටමේ ජයග්‍රහණයක් - WEF වාර්තාවෙන් හෙළි වූ තොරතුරු මෙන්න

ලෝක ආර්ථික සංසදයේ (World Economic Forum) 2026 සංචාරක හා සංචාරක කර්මාන්ත සංවර්ධන දර්ශකය (TTDI) අනුව, ලොව වේගයෙන්ම වර්ධනය වන සංචාරක ආර්ථිකයන් 10 අතරට ශ්‍රී ලංකාවද ඇතුළත්ව තිබේ.

2024 සහ 2026 අතර කාලය තුළ ශ්‍රී ලංකාවේ TTDI ලකුණු 4.3%කින් ඉහළ ගොස් ඇති අතර, එම වර්ධන වේගය අනුව ශ්‍රී ලංකාව එම ලැයිස්තුවේ 10 වැනි ස්ථානයට පත්ව ඇත. මෙම කාලසීමාවේදී ඉහළම වර්ධනයක් වාර්තා කරමින් ඇල්බේනියාව 7%ක වර්ධනයක් සමඟ ලැයිස්තුවේ පෙරමුණ ගෙන තිබේ.

වියට්නාමය 6.3%ක්, ලාඕසය 6.1%ක්, කටාර් රාජ්‍යය 6%ක්, මැලේසියාව 5.8%ක් සහ තායිලන්තය 5.6%ක වර්ධනයක් වාර්තා කර ඇත. පිලිපීනය සහ මොරොක්කෝව 5.5% බැගින්ද, නේපාලය 5.1%ක්ද වාර්තා කරමින් මෙම ලැයිස්තුවට ඇතුළත් වී තිබේ.

ආසියා-පැසිෆික් මෙන්ම මැද පෙරදිග සහ උතුරු අප්‍රිකානු කලාපවල නැගී එන සංචාරක වෙළෙඳපොළ, දැනටමත් ස්ථාපිත සංචාරක ගමනාන්ත රැසකට වඩා වේගයෙන් තම තරගකාරීත්වය වර්ධනය කරගනිමින් සිටින බව ලෝක ආර්ථික සංසදය පෙන්වා දෙයි. සමස්තයක් ලෙස, 2026 TTDI සඳහා ඇගයීමට ලක් කළ ආර්ථිකයන් 110න් 92%ක්ම 2024 වසරට සාපේක්ෂව සිය ලකුණු මට්ටම් ඉහළ නංවාගෙන ඇති අතර, ගෝලීය සාමාන්‍ය ලකුණු මට්ටමද 2%කින් වර්ධනය වී තිබේ.

සංචාරක යටිතල පහසුකම්, ගුවන් ප්‍රවාහන සම්බන්ධතා, සංස්කෘතික හා ස්වභාවික සම්පත්, පහසුකම් සලසන පරිසරය සහ තිරසාරභාවය ඇතුළු ප්‍රධාන ක්ෂේත්‍ර 17ක් පදනම් කරගනිමින් මෙම දර්ශකය මගින් රටවල් ඇගයීමට ලක් කෙරේ.

අද සිට ආදායම් බලපත්‍ර නිකුත් කිරීම අත්හිටුවයි - පළාත් සභා තීරණයයෙන් ඇතිවන ජනතා අපහසුවට කණගාටුව

2026 වසරේ ඉහළම TTDI ලකුණු ලබාගත් සංචාරක ආර්ථිකය ලෙස ජපානය ශ්‍රේණිගත වී ඇති අතර, ඇමරිකා එක්සත් ජනපදය, ස්පාඤ්ඤය, ඕස්ට්‍රේලියාව සහ ප්‍රංශය පිළිවෙළින් ඊළඟ ස්ථාන හිමිකරගෙන තිබේ.

ලෝක ආර්ථික සංසදයට අනුව, 2025 වසරේදී ජාත්‍යන්තර සංචාරකයින් බිලියන 1.5ක් වාර්තාගත ලෙස පැමිණීමත් සමඟ, කොවිඩ්-19 වසංගතයෙන් පසු ගෝලීය සංචාරක කර්මාන්තය යළිත් වර්ධන මාවතකට පිවිසෙමින් තිබෙන පසුබිමක මෙම නවතම දර්ශකය නිකුත් කර තිබේ.

සැප්තැම්බර් 29 සිට කොළඹ බස් මංතීරු නීතිය තදින්ම ක්‍රියාත්මකයි- රෙගුලාසි කඩ කළොත් පොලිසියෙන් දැඩි නීතිමය පියවර