සියඹලාගොඩ නිවසක් ඉදිරිපිට ලේ විලක් මැද මහලු පියෙකුගේ අභිරහස් මළ සිරුරක්

තංගල්ල පොලිස් වසමට අයත් සියඹලාගොඩ නිවසක් ඉදිරිපිට ඝාතනය කළ බවට සැක කරන පුද්ගලයකුගේ සිරුරක් ඊයේ (11) රාත්‍රි සොයාගෙන තිබේ.

මෙලෙස හමුව ඇත්තේ බෙලිඅත්ත, සියඹලාගොඩ, දිගංවල, අංක 62 නිවසෙහි පදිංචිව සිටි කංකානම් ආරච්චිගේ ධනපාල නැමති 88 හැවිරිදි සිව්දරු පියෙකි.

මෙම පුද්ගලයා සිය බිරිය සමග නිවසෙහි තනිව වාසය කර ඇති අතර ඔහුගේ සිරුර ඊයේ රාත්‍රි 8.00ට පමණ නිවස ඉදිරිපිට ජල කරාමයක් ආසන්නයේ වැටී තිබියදී හමුව ඇත.

මියගිය පුද්ගලයාගේ සිරුරෙහි තිබී කැපුම් තුවාල කිහිපයක් හමුව ඇති අතර ඔහු වැටී සිටි ස්ථානයේ සහ මුහුණෙහි රුධිරය තිබී ඇත.

පොලීසිය සැක කරනු ලබන්නේ මෙම පුද්ගලයා කිසිවෙකු විසින් ඝාතනය කර ඇති බවයි . මෙම සිද්ධියට සැකපිට මියගිය පුද්ගලයාගේ බාල පුතු වන 48 හැවිරිදි පුද්ගලයකු තංගල්ල මූලස්ථාන පොලීසිය අත්අඩංගුවට ගෙන ඇත.

රොන්ටෝ සල්සා උත්සවය ලෙයින් තෙත් වෙයි - වෙඩි තැබීමකින් දෙදෙනෙක් මරු, 5කට තුවාල

එම පුද්ගලයා විශ්‍රාමික නාවික හමුදා සෙබළකු වන අතර ඊයේ (11) උදෑසන 11ට පමණ ඔහු පියාගේ නිවසට පැමිණ ඇතැයි අනාවරණය වී තිබේ පොලීසිය සදහන් කළේ ඔහු අත්අඩංගුවට ගන්නා අවස්ථාවේදී අධික ලෙස බීමත්ව සිටි බවයි.

තංගල්ල කොට්ඨාස ස්ථානීය අපරාධ පරීක්ෂණාගාරයේ නිලධාරීහු ස්ථානීය පරීක්‍ෂණයක් කළ අතර තංගල්ල මූලස්ථාන පොලිසියේ අපරාධ අංශයේ නිලධාරීහු මරණය සම්බන්ධයෙන් වැඩිදුර විමර්ශන පවත්වනු ලබයි