විපක්ෂ නායක සජිත් ප්‍රේමදාසගෙන් හදිසියේම විශේෂ ප්‍රකාශයක් - හේතුව මෙන්න [VIDEO]

විපක්ෂ නායක සජිත් ප්‍රේමදාස මහතා අද(10) දින විශේෂ ප්‍රකාශයක් සිදු කර ඇත.

ඒ පරිසර ස්වාභාවික සම්පත් කෘෂිකර්මාන්තය හා තිරසර සංවර්ධනය පිළිබඳ ආංශික අධීක්ෂණ කාරක සභාව අද දින රැස් වූ අවස්ථාවේ දී වී මිලදී ගැනීම හා රටේ සහල් අවශ්‍යතාව ගැන සාකච්ඡා කිරීමට නියමිතව තිබු බවත් විපක්ෂ නායකවරයා වශයෙන් තමාට අදාළ ආංශික අධීක්ෂණ කාරක සභාවේ නිරීක්ෂකයකු වශයෙන් එක්විය හැකි වුවත් අදහස් පළ කිරිමට නොහැකි බවට මෙහි සභාපති හෙක්ටර් අප්පුහාමි ට වත්මන් රජය විසින් දැනුම් දී ඇති බවටයි.

ඒ අනුව ඔහු පැවසුවේ, අවස්ථා ගණනාවකදී මේ කාරක සභාවට එක්වූයේ පෞද්ගලික ප්‍රශ්නවලට විසඳුම් ගන්න නොව ජනතාව මුහුණ දෙන ගැටලුවලට විසඳුම් ලබා ගැනීමට බවයි.

එසේම කාලයක් පුරා ගොවි ජනතාවගේ ප්‍රශ්න ගැටලු අභියෝග ආදී කරුණු ගැන තමා දැනුවත් කර ඇති බවත් මෙකී ගැටලු ගැන පාර්ලිමේන්තුවේ රීති උපයෝගී කර ගෙන විපක්ෂයේ කටවල් වසා තැබීමට වත්මන් රජයේ මන්ත්‍රීවරුන් ගන්නා උත්සාහය පහත් ක්‍රියාවක් ලෙස හැඳින්විය හැකි බවටත් ඔහු සඳහන් කළේ මෙය බරපතළ තත්ත්වයක් බවට පෙන්වා දෙමින්.

ලංකා බැංකුවේ ගිණුමක් තියෙන අයට සුබ ආරංචියක් - කිසිම බැංකුවක නැති මේ සේවාව දැන් ප්‍රථම වරට ලංකා බැංකුවෙන්

ඉකුත් රජයේ මුදල් කාරක සභාවට 2023 ජුනි 29 වැනි දින එක්වූ මොහොතක එම කමිටුවට එක්වීම ප්‍රතික්ෂේප කර ඡන්දයක් ද පවත්වා සහභාගීත්වය වැළැක්වූ බවත් ඉකුත් රජය කටයුතු කළ ආකාරයටම වත්මන් රජය ද ස්ථාවර නියෝගවලට මුවා වී ගොවි ජනතාව සඳහා ඉදිරිපත් කරන්න තිබූ අදහස් ඉදිරිපත් කිරිම තහනම් කිරිම ප්‍රජාතන්ත්‍ර විරෝධී ක්‍රියාවක් බවත් විපක්ෂ නායකවරයා ප්‍රකාශ කළා.

එමෙන්ම පසුගිය ජුනි 8 වැනි දින ගොවි නියෝජිත කණ්ඩායමක් හමුවී ඔවුන්ගේ ප්‍රශ්න ගැටලු රාශියක් ඉදිරිපත් කළ බවත් ඒ අවස්ථාව වන තුරු වී සඳහා ලබා දෙන ස්ථාවර මිල ගැසට් කර නොතිබු බවත් එහිදී ගොවි ජනතාව හමුවී ඔවුන්ගේ ගැටලු පාර්ලිමේන්තුවේ ඉදිරිපත් කළ පසු වී අලෙවි මණ්ඩලය චක්‍ර ලේඛයක් ඔස්සේ වී සඳහා ලබා දෙන ස්ථාවර මිල ප්‍රකාශයට පත් කළ බවත් මේ චක්‍රලේඛ ප්‍රකාරව උපරිම තෙතමනය 14%ක ප්‍රතිශතයක් තුළ විවිධ කොන්දේසි දමා නාඩු රු. 120ට, සම්බා රු. 130ට සහ කීරි සම්බා රු. 140ට ලෙස ගැසට් නිකුත් කර ඇති බවත් එදා පාර්ලිමේන්තුවේ මේ කරුණු ඉදිරිපත් කරනතුරු ගැසට්ටුව නිකුත් නොකළ රජය අද විපක්ෂයේ කටවල් වහන්න උත්සාහ කරන බවත් සජිත් ප්‍රේමදාස මහතා පවසයි.

විශේෂ නිවේදනයක් - සති දෙකකට සියලුම පාසල් හා විශ්වවිද්‍යාල වසා දමන්න තත්ත්වය පාලනයෙන් තොරයි

තවද හෙක්ටර් කොබ්බෑකඩුව ගොවි පර්යේෂණ ආයතනය විසින් වී කිලෝවකට රු. 137ක් වැයවන බවට කෘෂිකර්ම අමාත්‍යවරයා විසින් ප්‍රකාශයට පත් කළ බවත් එවැනි ප්‍රකාශ කර කර අඩු මිලට වී මිල දී ගන්නා බවත් මේවා ගැන ප්‍රශ්න කිරීම අද තහනම් කර තිබෙන බවත් ගොවි ජනතාව සඳහා ඔවුන්ගේ අයිතිවාසිකම් වෙනුවෙන් වීවලට ලබා දිය යුතු සාධාරණ ස්ථාවර මිල වෙනුවෙන් කළ හැකි උපරිම සටන සිදු කරන බවත් ඔහු සඳහන් කළා.

එසේම විපක්ෂ නායකවරයා වැඩිදුරටත් කියා සිටියේ මේ රජයේ මන්ත්‍රීවරුන් කරන්නේ තමන්ව පත් කළ ගොවි ජනතාවට ද්‍රෝහී විමක් බවත් මොවුන් ගොවියාගේ අයිතිය උදුරා ගනිමින් යන බවත් එදා ගොයම් කකා රු. 150ක ස්ථාවර මිලක් දෙනවා කිව්වත් අද එය නොමැති බවත් විපක්ෂයේ හඩ කාරක සභා තුළ මර්දනය කළත් ගොවි ජනතාව වෙනුවෙන් කතා කිරීම නැවැත්විය නොහැකි බවත් පාර්ලිමේන්තුවේ සහ ඉන් පිටත මේ අයිතිය සුරක්ෂිත කරන්න සමගි ජන බලවේගය පෙනී සිටින බවත් ය.

මහජනතාවට කාරුණික නිවේදනයක් - අද සවස 6 සිට 13 වෙනිදා උදේ 4 දක්වා වලංගුයි