රනිල් මෙවර එජාප සමුළුවට සජිත් මහින්ද මෛත්‍රී ඇතුළු විපක්ෂයටම ආරාධනා කරයි - පක්ෂ තහනමත් ඉවතට

එක්සත් ජාතික පක්ෂ] සම්මේලනය සඳහා විපක්ෂයේ සියලු දේශපාලන පක්ෂ නායකයින්ට ආරාධනා කිරීමට එක්සත් ජාතික පක්ෂය තීරණය කර තිබේ.

සැප්තැම්බර් මස 06 වනදා පැවැත්වීමට නියමිත පක්ෂ සම්මේලනය සඳහා වන සාකාච්ඡාවක් අද (31) පෙරවරුවේ පැවැත්විණි. ඒ අනුව අත්අඩංගුවට ගැනීම, රක්ෂිත බන්ධනාගාරගත කිරීම සහ පසුව ඇප මත නිදහස් වීමෙන් පසු රෝහල් ගතව සිට සිය නිවසට පැමිණි වික්‍රමසිංහ මහතා, ‘සන්ඩේ ටයිම්ස්’ පුවත්පතට අදහස් දක්වමින් කියා සිටියේ, ‘විපක්ෂයේ එකමුතුව’ සඳහා පළමු පියවර ලෙස, පක්ෂයෙන් වෙන්ව ගොස් සමගි ජන බලවේගය (සජබ) පිහිටුවා ගත් සියලුම සාමාජිකයින්ට එරෙහිව පනවා තිබූ තහනම ඉවත් කරන බවයි.

[BPFDZAM

මෙම පියවරෙන් පසු ඔවුන්ට නැවත පක්ෂ සාමාජිකත්වය ලබා ගත හැකි වනු ඇත. වික්‍රමසිංහ මහතා ප්‍රථම වරට ප්‍රසිද්ධියේ පෙනී සිටින්නේ මෙම සම්මේලනයේදී වන අතර, එහිදී විශේෂ ප්‍රකාශයක් කිරීමට නියමිත බව එජාප ආරංචි මාර්ග සඳහන් කරයි.

විපක්ෂයේ අනෙකුත් පක්ෂ සාමාජිකයින්ට පහසුවෙන් සහභාගී විය හැකි පරිදි, සම්මේලනයේ ස්ථානය පක්ෂ මූලස්ථානය වන සිරිකොතින් ඉවත් කර මධ්‍යස්ථ ස්ථානයක පැවැත්වීමට ද එක්සත් ජාතික පක්ෂය තීරණය කර ඇත.

2020 දී වික්‍රමසිංහ සහ සජිත් ප්‍රේමදාස මහත්වරුන් අතර ඇති වූ අර්බුදයෙන් පසුව සජබ පිහිටුවනු ලැබූ අතර, පසුගිය දින කිහිපය තුළ දෙදෙනා අතර සබඳතා යළි යහපත් වී ඇති බවක් දක්නට ලැබේ. වික්‍රමසිංහ මහතා රෝහල්ගතව සිටි අවස්ථාවේදී, ප්‍රේමදාස මහතා ඇතුළු සජබ සාමාජිකයින් කිහිප දෙනෙක්ම ඔහු බැලීමට බන්ධනාගාර රෝහලට මෙන්ම ජාතික රෝහලටද ගොස් ඇත.

මීළඟට ඇතුලට යන සෙට් එක අන්න රෑට රෑට එකතු වෙනවා - ගමගෙදර දිසානායක

සජබ මහලේකම් රංජිත් මද්දුම බණ්ඩාර මහතා පැවසුවේ, එජාප සම්මේලනයට සහභාගී වීම සඳහා ආරාධනාවක් ලැබී ඇති බවත්, ප්‍රේමදාස මහතා ඇතුළු අනෙකුත් පක්ෂ සාමාජිකයින් සම්මේලනයට සහභාගී වීමට ඉඩ ඇති බවත්ය. අතීතයේ තිබූ මතභේද තිබුණද, දෙපාර්ශ්වයටම එක්ව වැඩ කිරීම සඳහා කිසිදු බාධාවක් නොමැති බවද ඔහු සඳහන් කළේය. හිටපු ජනාධිපතිවරුන් වන මහින්ද රාජපක්ෂ සහ මෛත්‍රීපාල සිරිසේන මහත්වරුන්ට ද මෙම සම්මේලනය සඳහා ආරාධනා කර ඇති බව එජාප ආරංචි මාර්ග පවසයි.

කොහොමද සද්ද නැතිව ඉදලා ගහන ගේම රනිල් ජාතික ලැයිස්තුවෙන් මැතිසබයට?