ඉරාන නැවියන් 239 ගැන හෙට - අනිද්දා තීරණයක් ගන්නවා - ආරක්ෂක නියෝජ්‍ය ඇමති

අයිරිස් ඩේනා සහ අයිරිස් බුෂර් ඉරාන නෞකාවල සිට බේරාගත් නාවිකයන් 239 දෙනාගේ ඉරණම සම්බන්ධයෙන් හෙට හෝ අනිද්දා තීරණයක් ගනු ඇතැයි ආරක්ෂක නියෝජ්‍ය අමාත්‍ය විශ්‍රාමික මේජර් ජනරාල් අරුණ ජයසේකර මහතා ප්‍රකාශ කළේය.

විදේශ කටයුතු අමාත්‍යාංශය ඉරාන තානාපතිවරයා සහ ඉරාන රජය සමඟ සාකච්ඡා ගණනාවක් පසුගිය දිනවල පවත්වා ඇති බවත්, එහි ප්‍රතිඵලයක් ලෙස නාවිකයන්ගේ මළ සිරුරු සියල්ල ඉරානයට යවා අවසන් කර ඇති බවත් ඔහු සඳහන් කළේය.

අයිරිස් ඩේනා නෞකාවේ සිටි නාවිකයන් 32 දෙනෙකු සහ අයිරිස් බුෂර් නෞකාවේ සිටි නාවිකයන් 207 දෙනෙකු බේරාගෙන වැලිසර සහ කොග්ගල ආරක්ෂක කඳවුරුවල රඳවා සිටින බව ද ආරක්ෂක නියෝජ්‍ය අමාත්‍යවරයා පැවසීය.

ඩ්‍රෝන ප්‍රහාරයෙන් ඩුබායි ගුවන්තොටුපොළ ඇවිලෙයි.. සියලුම ගුවන් ගමන් තාවකාලිකව අත්හිටුවයි

අයිරිස් ඩේනා නෞකාවේ සිටි නාවිකයන් 84 දෙනෙකුගේ මළ සිරුරු විශේෂ ගුවන් යානයකින් පසුගිය 13 වැනිදා ඉරානයට යවනු ලැබූ බව ද ඔහු සඳහන් කළේය.

අයිරිස් ඩේනා නෞකාව ඇමරිකානු සබ්මැරීන් ප්‍රහාරයකින් ගාල්ලට ඈත මුහුදේදී පසුගිය 4 වැනිදා විනාශයට පත් වූ අතර, අයිරිස් බුෂර් නෞකාව ශ්‍රී ලංකා නාවික හමුදාව විසින් බේරාගෙන ත්‍රිකුණාමලය වරායට රැගෙන එන ලදී.

මෙම සිද්ධිය සම්බන්ධයෙන් ඉදිරියේදී ගනු ලබන තීරණයන් ජාතික ආරක්ෂාව සහ මානව හිමිකම් සම්බන්ධයෙන් වැදගත් වනු ඇතැයි බලාපොරොත්තු වේ.

'ඉතා නරක' අනාගතයක් - ට්‍රම්ප්ගෙන් නේටෝ සංවිධානයට දැඩි අනතුරු ඇඟවීම්

හය­වැනි ණය වාරි­කය සමා­ලෝ­ච­න­යට IMF නියෝ­ජි­තයෝ මෙර­ටට