චීනයේ බිහිසුණු අනතුරක් - ගිනිකෙළි කර්මාන්තශාලාවක් පුපුරයි

චීනයේ හුනාන් (Hunan) ප්‍රාන්තයේ පිහිටි ගිනිකෙළි කර්මාන්තශාලාවක සිදුවූ පිපිරීමකින් පුද්ගලයින් 21 දෙනෙකු ජීවිතක්ෂයට පත්ව ඇති අතර 61 දෙනෙකු තුවාල ලබා ඇති බව එරට රාජ්‍ය මාධ්‍ය වාර්තා කරයි.

ලියුයැන්ග් (Liuyang) නගරයේ පිහිටි 'හුවාෂෙන්ග් (Huasheng)' ගිනිකෙළි කර්මාන්තශාලාවේ මෙම පිපිරීම සිදුව ඇත්තේ ඊයේ (04) එරට වේලාවෙන් පස්වරු 16:40ට පමණයි. මේ හේතුවෙන් කර්මාන්තශාලාවේ සිට කිලෝමීටර් 3ක් ඇතුළත පදිංචිව සිටි සියලුම පිරිස් ඉවත් කිරීමට සහන සේවකයෝ පියවර ගෙන ඇත.

හිටිහැටියේම තෙල් මිල 6%කින් ඉහළට - රත්තරන් වගේ ගණන් නගින තෙල්

අතුරුදන් වූවන් සෙවීමට සහ තුවාල ලැබූවන්ට ප්‍රතිකාර කිරීමට බලධාරීන් විසින් 500කට ආසන්න පිරිසක් යොදවා ඇති අතර, ගොඩනැගිල්ල තුළ සිරවී සිටින පුද්ගලයින් සෙවීම සඳහා රොබෝවරුන් ද භාවිත කර ඇති බව වාර්තා වේ.

චීන රාජ්‍ය මාධ්‍ය සඳහන් කර ඇත්තේ පිපිරීමට හේතුව පිළිබඳව පොලිසිය පරීක්ෂණ පවත්වන අතර, අදාළ ගිනිකෙළි සමාගමේ වගකිවයුත්තන්ට එරෙහිව පියවර ගෙන ඇති බවයි.

සුපිරි නළු තලපති විජේට ඉතිහාසගත ජයක් - සියලුම වාර්තා කුඩු පට්ටම්

සහන සේවා ක්‍රියාත්මක වන අතරතුර, කර්මාන්තශාලා පරිශ්‍රය තුළ තිබූ වෙඩි බෙහෙත් ගබඩා දෙකක් දැඩි අවදානමක් මතු කළ බවත් අතුරුදන් වූවන් සෙවීමට සහ තුවාල ලැබූවන් බේරා ගැනීමට උපරිම උත්සාහයක් ගන්නා බවත් එරට බලධාරීන් පවසයි.