සේවකයින්ගේ බෝනස්, වැටුප් වර්ධක ගැන ලංවිම ඇමති ගත් විශේෂ තීරණය.

ලංකා විදුලිබල මණ්ඩල සේවකයින්ට ප්‍රසාද දීමනා විශේෂ තීරණයක් ගෙන තිබෙනවා.

ඒ, අනුව මෙම වර්ෂය සඳහා ලංකා විදුලිබල මණ්ඩල සේවකයින්ට ප්‍රසාද දීමනා හෝ අනෙකුත් දීමනා නොගෙවීමට විෂය භාර අමාත්‍ය කංචන විජේසේකර උපෙදස් ලබාදී ඇති බවයි වාර්තා වන්නේ.

මේ අතර වසර තුනකට වරක් සිදුකරන 25%ක වැටුප් වර්ධක ද ක්‍රියාත්මක නොකරන ලෙසට අමාතවරයා උපදෙස් දී ඇති බව සඳහන්.

එමෙන්ම ලංවිම නිලධාරීන්ට ගෙවා ඇති විවිධ දිරි දීමනා සහ දීමනා පිළිබඳ තොරතුරු හා නිලධාරීන් කුලියට ගෙන ඇති වාහන හා කුලී ලෙස ගෙවන මුදල් ප්‍රමාණය පිළිබඳ වාර්තාවක් ලබාදෙන ලෙසත් අමාත්‍යවරයා විදුලිබල මණ්ඩලයේ සභාපතිගෙන් ඉල්ලා ඇත.