කතරගම දේවාලයේ පඬුරු වංචාවක් ගැන පරීක්‍ෂණ

කතරගම පොලීසිය විසින් රුහුණු කතරගම මහා දේවාලයට බැතිමතුන් විසින් පූජා කරනු ලබන මුදල්, කපු මහත්වරුන් පිරිසක් විසින් සූක්ෂම ලෙස වංචා කරන බවට එල්ල වූ චෝදනාවක් මත පුළුල් පරීක්ෂණයක් ආරම්භ කර තිබෙනවා. දේවාල පරිපාලනය විසින්ම සිදුකරන ලද මෙම පැමිණිල්ලත් සමග, මෙරට ප්‍රධානතම පුදබිමක සිදුවූ බව කියන මෙම අක්‍රමිකතාව පිළිබඳව දැඩි කතාබහක් නිර්මාණය වී ඇත.

රුහුණු කතරගම මහා දේවාලයේ පරිපාලන ලේකම් සනත් ඒකනායක මහතා විසින් මෙම සිදුවීම සම්බන්ධයෙන් වන නිල පැමිණිල්ල, පසුගිය සිකුරාදා සන්ධ්‍යාවේ කතරගම පොලීසිය වෙත ඉදිරිපත් කර ඇත.

අන්තර්ජාල සේවාවටත් VAT බද්දක්

පරිපාලන ලේකම්වරයා සිය පැමිණිල්ල මගින් පෙන්වා දී ඇත්තේ දේවාලය සතුව නිල පඬුරු පෙට්ටි දොළහක් පවතින අතර, ඒවායේ තැන්පත් කෙරෙන මුදල් මාස තුනකට වරක් බෞද්ධ කටයුතු දෙපාර්තමේන්තුවේ අධීක්ෂණය යටතේ ගණන් බලා දේවාලයේ නිල ගිණුමට බැර කිරීම සාමාන්‍ය ක්‍රියා පටිපාටිය බවයි.

පෙරහර මංගල්‍යය පැවති කාලසීමාව තුළ, දේවාලයේ පිටුපස දොරටුව අසල පිහිටි එක් පඬුරු පෙට්ටියකට පිටුපසින් වෙනත් තැටියක් තබා, බැතිමතුන් පූජා කරන මුදල් එම තැටියට එකතු කරගන්නා ආකාරය එක් බැතිමතෙකුගේ නිරීක්ෂණයට ලක්වී ඇත. අනතුරුව එම බැතිමතා විසින් මේ පිළිබඳව දේවාලයේ බස්නායක නිලමේ, ඩිෂාන් වික්‍රමරත්න මහතාව දැනුවත් කර තිබෙනවා.

අම්මා වෙනුවෙන් කට ඉස්සර කළ වෛද්‍ය මහේෂිගේ දුවත් රිමාන්ඩ්

ලැබුණු තොරතුර මත ක්‍රියාත්මක වූ දේවාල පරිපාලනය, අදාළ ස්ථානයේ සවිකර තිබූ ආරක්ෂක කැමරා දර්ශන පරීක්ෂා කර ඇති අතර, එහිදී මෙම වංචනික ක්‍රියාව සිදුවන ආකාරය පැහැදිලිව සටහන්වී තිබී ඇත.

එම දර්ශන මගින් චෝදනාව සනාථ වීමෙන් අනතුරුව, පරිපාලන ලේකම්වරයා විසින් පොලීසියට පැමිණිලි කිරීමට පියවර ගෙන තිබේ. මෙම පැමිණිල්ලත් සමග අදාළ සිදුවීම සනාථ කරන සී.සී.ටී.වී. දර්ශන පටයක් ද දේවාල පරිපාලනය විසින් පොලීසිය වෙත භාර දී ඇති අතර, ඒ සම්බන්ධයෙන් පුළුල් විමර්ශනයක් ක්‍රියාත්මක බවයි ප්‍රදේශය භාර උසස් පොලිස් නිලධාරියෙකු තහවුරු කළේ. 

අඳුරු ආදරයක්, රුදුරු අනාගතයක් - 17 හැවිරිදි තරුණයාගේ පාපොච්චාරණය