දින දෙකක් තුළ බිමත් රියදුරන් 800කට නඩු
Hashini
උත්සව සමයේ රථවාහන රියදුරන් පිලිබඳ දැඩි පරික්ෂාවට ලක් කෙරෙනවා.
එලෙස පරික්ෂාවට ලක් කිරීමෙන් අනතුරුව දින 2ක් තුළ බීමත් රියැදුරන් 800 දෙනෙකුට එරෙහිව නඩු පැවරීමට පොලිසිය පියවර ගෙන තිබෙනවා.
පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි බුද්ධික මනතුංග මහතා සඳහන් කළේ, 13 සහ 14 දිනවල ක්‍රියාත්මක කළ මෙහෙයුම් වලදී ඔවුන් හඳුනා ගත් බවයි.
අලුත් අවුරුදු නිවාඩු දෙදිනෙහි බීමත් රියදුරන් අත්අඩංගුවට ගැනීමේ මෙහෙයුම් අඛණ්ඩව ක්‍රියාත්මක කෙරුණා.
මේ අතර දීප ව්‍යාප්තව මත්ද්‍රව්‍ය භාවිතා කරන රියදුරන් හඳුනාගැනීමටද මෙහෙයුම් ක්‍රියාත්මක කර තිබුණා.
එමෙන්ම පොලිස් මාධ්‍ය ප්‍රකාශකවරයා පෙන්වා දෙන්නේ අලුත් අවුරුද්දට ගම්බිම් බලා ගිය ජනතාව, නැවතත් කොළඹට පැමිණිම හේතුවෙන් මාර්ග වල වාහන සංඛ්‍යාව වැඩි විය හැකි බවයි.
එබැවින්, අපරීක්ෂාකාරි ලෙස රිය ධාවනයෙන් වළකින්නැයි , පොලිස් මාධ්‍ය ප්‍රකාශකවරයා රියැදුරන්ගෙන් වැඩිදුරටත් ඉල්ලා සිටියා.
![දේශබන්දුගේ නොදුටු පැත්ත සහ පාස්කු ප්‍රහාරයට සම්බන්ධ වුන හැටි මෙන්න [VIDEO]](https://cdn.ibcstack.com/article/8188a173-26d0-4cf2-b00e-4088ab61ae29/25-67f38dc094dcf-sm.webp)
