ගම්වලට සතුටු හිතෙන ආරංචියක් - මහවැලියෙන් උදව් දෙන්න අනුමැතිය

ග්‍රාමීය ප්‍රජා ජල සම්පාදන ව්‍යාපෘති ක්‍රියාත්මක කිරීම වෙනුවෙන් මහවැලි උපදේශන කාර්යාංශයේ තාක්ෂණික සහාය ලබා ගැනීමට කැබිනට් අනුමැතිය හිමිව තිබෙනවා.

ඒ අනුව ශ්‍රී ලංකාවේ ක්‍රියාත්මක වූ විවිධ ප්‍රජා ජල සැපයුම් ව්‍යාපෘතිවල තිරසරභාවය තහවුරු කිරීමේ ප්‍රධාන අරමුණ සහිතව 2014 වර්ෂයේදී ආරම්භ කර තිබෙන ජාතික ප්‍රජා ජල සැපයුම් දෙපාර්තමේන්තුව මඟින් 2019/2020 හා 2021 වර්ෂයන්හිදී ' ප්‍රජා ජල අභිමානී' වැඩසටහන යටතේ නව ප්‍රජා ජල ව්‍යාපෘති 367 ක් ආරම්භ කර තිබෙනවා.

එමෙන්ම කොරෝනා වසංගත තත්ත්වය හා ආර්ථික අර්බුදය නිසා ඒ අතරින් වැඩ නිම කිරීමට නොහැකි වූ ව්‍යාපෘති 175 ක් තව දුරටත් ක්‍රියාත්මක කර අවසන් කළ යුතු ව ඇත.

මාර්තු 15 ඉඳන් ලංකා ඛනිජතෙල් නීතිගත සංස්ථාවට පෙට්‍රල් නැව් පහක්

එසේ වුවත් එම ව්‍යාපෘති ක්‍රියාත්මක කිරීමට ජාතික ප්‍රජා ජල සැපයුම් දෙපාර්තමේන්තුවේ වර්තමාන තාක්ෂණික කාර්ය මණ්ඩලය ප්‍රමාණවත් නොවන බවට හඳුනාගෙන තිබෙනවා.

ඒ අනුව එම ව්‍යාපෘති 175 අතරින් අප්‍රමාදව අවසන් කළ යුතුව ඇති ව්‍යාපෘති 48ක වැඩ අවසන් කිරීමට හැකි වන ලෙස මෙම ව්‍යාපෘති ක්‍රියාත්මක කිරීමට අවශ්‍ය ශක්‍යතා අධ්‍යයන කටයුතු/විමර්ශන කටයුතු සිදු කිරීම, මූලික සැලසුම් සහ සවිස්තරාත්මක ඉංජිනේරුමය සැලසුම් සකස් කිරීම, ප්‍රසම්පාදන ලේඛන සකස් කිරීම සහ ව්‍යාපෘති අධීක්ෂණය කිරීම ආදි තාක්ෂණික සේවා 2026-2027 කාලයේ මහවැලි උපදේශන කාර්යාංශය වෙතින් ලබා ගැනීමට නිවාස, ඉදිකිරීම් සහ ජල සම්පාදන අමාත්‍යවරයා ඉදිරිපත් කළ යෝජනාව අමාත්‍ය මණ්ඩලය මඟින් අනුමත කර ඇත.  

සියලුම දෙනාට විශේෂ දැනුම්දීමක් - ඔබේ බැංකු කාඩ්පත්වලට මෙම පණිවිඩ ලැබුණොත් වහාම දැනුම්දෙන්න

සෞන්දර්ය විෂය තෝරගත් සිසුන්ට සුබ පණිවිඩයක්