ලංකාවේ ලස්සනම නිළියෝ 10 දෙනා මෙන්න.. ඔබ නොසිතන අය රැසක් ඒ අතර(PHOTOS)

. අද අපි කතා කරන්න යන්නේ ටිකක් වෙනස් මාතෘකාවක් ගැන. ලංකාවේ සිනමා ක්ෂේත්‍රයේත් ටෙලි නාට්‍ය ක්ෂේත්‍රයේත් වෙළඳ දැන්වීම් තුළත් music videos වලත් සිය රංගන හැකියාව දක්වමින් සුවහසක් රසික රසිකාවියන්ගේ ආදරය සහ ආකර්ෂණය දිනාගත් නළු නිළියන් බොහෝ ප්‍රමාණයක් ලංකාවේ සිටිනවා. ඔවුන්ගේ දස්කම් එකිනෙකාට වෙනස්. ඔවුන් ඉතාමත් තාත්වික අන්දමින් සිය රංගන කෞෂල්‍ය විදහා දක්වන නිසාත් රූප සුන්දරත්වයෙන් අගතැන්පත් නිසාත් නිරන්තරයෙන්ම සමාජය තුළ ජනප්‍රිය චරිත වෙනවා. ඉතින් අද කතා කරන්න සිතුවේ එවැනි ජනප්‍රියත්වයට පත් වුනු ලංකාවේ ඉන්න සුන්දරම රංගන ශිල්පිනියන් දස දෙනෙක් ගැන. මොවුන් සියල්ලක්ම ශ්‍රී ලාංකික ජනතාවගේ අතිශය ආකර්ශනය සහ ආදරය දිනා ගත් රංගන ශිල්පිනියන් වනවා. ඉතිං අපි බලමු කවුද ඒ දහදෙනා කියලා.

01) මංජුලා කුමාරි

මංජුලා කුමාරි කියලා කියන්නේ රංගන ක්ෂේත්‍රය තුළ සිටින ඉතාමත්ම නිහතමානි රංගන ශිල්පිනියක්. ඇයගේ නම මංජුලා වුවත් ගොඩක් දෙනෙක් ඇයට කතා කරන්නෙ ඕලු කියන නමින්. ඒ ස්වර්ණවාහිනී නාලිකාවේ විකාශය කරන ලද ඕලු ටෙලි නාට්‍යයේ ඇය දැක්වූ රංගන කුසලතාවය නිසාමයි. ඇය රංගන නිර්මාණ බොහෝ ප්‍රමාණයකට සහභාගි වුවත් ටික කලකට පසුව ඇයව අපට දකින්නට ලැබුණේ නැහැ. නමුත් ඇය යළිත් හිරු ටීවී විකාශය කරන සිහින ගෙනෙන කුමාරියේ ටෙලි නාට්‍ය හරහා අපට දැකගන්නට පුළුවන්. ඉතිං ඇයගේ අහිංසක ගතිගුණත් ඇයටම ආවේණික වූ රූප සුන්දරත්වයත් නිසා ලංකාවේ ඉන්න ලස්සනම නිළියක් විදිහට අපිට ඇයව හඳුන්වන්න පුළුවන්.

02) සඳනි ප්‍රනාන්දු

සඳනි ප්‍රනාන්දු කියන්නේ වර්තමානය වන විට රසිකයන්ගේ වැඩිම ආකර්ෂණය දිනා ගත් රූමත් රංගන ශිල්පිනියක්. ඇය දායක වී තිබෙන ටෙලි නාට්‍ය ප්‍රමාණය අවම වුවත් ඇය රංගනයෙන් දායක වී තිබෙන music videos සහ වෙළඳ දැන්වීම් ප්‍රමාණය ඉතා විශාලයි. ඇගේ රූප සොබාවට වශී වී සිටින බොහෝ තරුණයන්ගෙන් ඇයට පෙම් යෝජනා බොහොමයක් එන බව ඇය කර මාධ්‍ය සාකච්ඡාවක දී පවසා සිටියා.

ඇය කලා ක්ෂේත්‍රයට සම්බන්ධ වන්නේ 2016 වසරේ සිටයි. නිරූපණ ක්ෂේත්‍රය ඔස්සේ සහ වෙළඳ දැන්වීම් ක්ෂේත්‍රය ඔස්සේ කරළියට පා තබන ඇය ඉන්පසු 2017 වර්ෂයේ දී රූපවාහිනි අවුරුදු කුමරිය තරඟය සඳහා අයදුම් කොට එයින් ජයග්‍රහණය ලබා ගැනීමට සමත් වනවා. ඉන්පසුව තමයි ඇයට මියුසික් වීඩියෝ සදහා ආරාධනා ලැබෙන්නේ. ඇය ඇයගේ සුන්දරත්වය පිළිබඳව නිරන්තරයෙන්ම සිතන කෙනෙක් නිසා තමයි මේ විදිහට හැමදාම ලස්සනට ඉන්නෙ. ඉතින් ඇයවත් අපිට ලංකාවේ ඉන්න ලස්සනම නිළියක් විදියට හඳුන්වන්න පුළුවන්

. 03) තාරුකා වන්නිආරච්චි

තාරුකා වන්නිආරච්චි කියන්නේ රංගන ක්ෂේත්‍රය තුළ සිටින දක්ෂ ජනප්‍රිය රංගන ශිල්පිනියක්. ඇය රංගනයෙන් දායක වූ සෑම නිර්මාණයක් ම ප්‍රේක්ෂකයා ඉතාමත්ම කැමැත්තෙන් සහ ආසාවෙන් නරඹන්නේ ඇයගේ රංගනයේ ඇති විශිෂ්ට බව නිසාමයි. යොවුන් රංගන ශිල්පිනියක් වුවත් ඇය ඇගේ රංගන චරිත සඳහා උපරිම සාධාරණයක් ඉටුකරනවා. ඇය මේ වන විට විවාහ වී සිටින අතර ආදරණීය දරුවෙකුගේ මවක් ද වනවා. ඒ වගේම තමයි ඇය සිය පවුලේ සාමාජිකයන් සමඟ විදේශ රටවල්වල ද සංචාරය කර විනෝදකාමී ව සැහැල්ලුවෙන් සිය ජීවිතය ගතකරන රංගන ශිල්පිනියක්. ඇයටම ආවේනික වූ කර්ල් කොන්ඩයත් සුන්දරත්වයත් නිසා ලංකාවේ ඉන්න ලස්සනම රංගන ශිල්පිනියක් විදිහට අපිට ඇයව හඳුන්වන්න පුළුවන්

04) ජැකලින් ෆර්නැන්ඩස්

ජැකලින් ෆර්නැන්ඩස් කියන්නේ මුළු ලොවේම කතාබහට ලක් වෙන සුරූපී රංගන ශිල්පිනියක්. ඇය ශ්‍රී ලාංකික තරුණියක් වුවත් ඇය මේ වන විට මුළු ලොවම හඳුනා ගෙන ඇත්තේ ඉන්දියාවේ බොලිවුඩ් සිනමාව හරහායි. මේ වන විට බොලිවුඩ් සිනමාවේ සුපිරි තරුවක් වන ජැකලින් උපත ලබන්නේ බහාරේන් රාජ්‍යයේ මනාමා නගරයේදී යි. ධන කුවේරයන් වෙසෙන බහරේන් නගරයේ ජැක්ලින් උපත ලබන්නේ පවුලේ බාලම දියණිය විදිහටයි. ඇයගේ පියා සංගීතඥයෙකු වන අතර අම්මා මැලේසියන් ගුවන් සේවයේ රැකියාවේ නියුතු මැලේසියන් ජාතික කාන්තාවක්.

මේ වන විට ලොවක් වසඟයට ගත් සුරූපී ජැකලින් හට භාෂා කිහිපයක්ම කතා කිරීමේ හැකියාව තියෙනවා. ඒ අතර ස්පාඤ්ඤ ප්‍රංශ අරාබි මලයාලම් හින්දි සහ ඉංග්‍රීසි භාෂාවන් ඇය චතුර ලෙස කතා කරනවා. ඉතිං බොලිවුඩ් සිනමාව ඔස්සේ ඇය ජනප්‍රිය වුණත් ජැකලින් කියන්නේ ශ්‍රී ලාංකික යුවතියක්. ඉතිං ඇයත් ලංකාවේ සිටින සුන්දරම යුවතියක් විදිහට හඳුන්වන්න පුලුවන්.

05) ශලනි තාරකා

ශලනි තාරකා කියන්නේ ලංකාව තුළ වැඩිම කතාබහකට ලක් වන සුන්දර රංගන ශිල්පිනියක් කිව්වොත් මා නිවැරදියි. ස්වාධීන රූපවාහිනියේ විකාශය කළ ගිරිදේවි ටෙලි නාට්‍ය ඔස්සේ ඇයට සුවහසක් ලාංකික ප්‍රතිචාර බොහොමයක් ලබා ගැනීමට හැකියාව ලැබුණා. එකල බොහෝ දෙනෙක් ඇයව හැඳින්වූයේ ගිරි දේවි නමින්. ශලනි කියන්නේ ඇයට ලැබෙන ඕනෑම චරිතයක් කිසිදු පැකිලීමකින් තොරව රඟපාන අපූරු රංගන ශිල්පිනියක්. ඇයගේ රඟපෑමේ ඇති තාත්වික බව නිසාම තමයි ඇයට මෙතරම් ප්‍රේක්ෂක ආකර්ෂණයක් දිනා දිනා ගැනීමට හැකියාව ලැබී තිබෙන්නේ

. ඒ වගේම තමයි රංගන ශිල්පිනියක් ඉතාමත්ම කලාතුරකින් දිනා ගනු ලබන හොඳම නිළියට හිමි සම්මානය සහ ජනප්‍රිය නිළියට හිමි සම්මානය යන සම්මානයන ද්විත්වයම ඇය දිනාගනු ලැබුවේ ඇයගේ අපූරු දක්ෂතා හේතුවෙන්මයි. දක්ෂතා වගේම රූප සුන්දරත්වයෙනුත් ඇය අගතැන්පත් නිසා ලංකාවේ ඉන්න සුන්දරම නිළියක් විදිහට ශලනිව අපිට හඳුන්වන්න පුළුවන්.

06) රුක්ෂානා දිසානායක

රුක්ෂානා දිසානායක කියන්නේ යොවුන් පරපුරේ ඉන්න ජනප්‍රිය රංගන ශිල්පිනියක්. ඇය ලංකාවේ වුණු බොහෝ මියුසික් විඩියෝස් වලට ද සිය රංගනයෙන් දායක වුණා. ඒ වගේම තමයි වෙළඳ දැන්වීම් ඔස්සේත් අපට ඇයව දැක බලා ගන්නට පුළුවන්. රංගන ක්ෂේත්‍රයට ආධුනික රංගන ශිල්පිනියක් වුවත් ඇය ඉතාමත්ම දක්ෂ ලෙස සහ තාත්විකව ඇගේ රංගනය ඉදිරිපත් කරනවා. ඒ නිසාම තමයි බොහෝ රසික රසිකාවියන් පිරිසක් ඇය වටා එක් රොක් වී සිටින්නේ. උපතින්ම මුස්ලිම් තරුණියක් වන ඇයට ඇත්තේ ඇයටම ආවේනික වූ සුන්දරත්වයක්. ඉතින් ඒ නිසාම අපිට ඇයව ලංකාවේ ඉන්න සුන්දරම රංගන ශිල්පිනියක් විදිහට හදුන්වන්න පුලුවන්.

07) ටිනා ශනෙල්

ටිනා ශනෙල් කිව්වම අද කාලේ නොදන්න කෙනෙක් නැති තරම්. දුටුවන් සිත් ඇද ගන්නා සුලු සරාගී රූප සොබාවකට හිමිකම් කියන ඇය නිරූපණ ක්ෂේත්‍රයේ පමණක් නොව රංගන ක්ෂේත්‍රයේ ද සිය දක්ෂතා ගෙනහැර දක්වනවා. “දේදුනු ආකාසේ” වැනි අතිශය ජනප්‍රියත්වට පත් වූ සිනමාවන් තුළ සිය රංගන කෞෂල්‍ය විදහා දැක්වූ ටීනා අද වන විට කලා ක්ෂේත්‍රයේ ඉහළ තැනක සිටින බව නොරහසක්. ඒ වගේම තමයි ටීනා කියන්නේ බටහිර ආරයකට හුරු අමුතුම සුන්දරත්වයකට හිමිකම් කියන තරුණියක්. ඒ නිසාම අපිට ඇයව ලංකාවේ සිටින ලස්සනම රංගන ශිල්පිනියක් විදිහට හඳුන්වන්නට පුළුවන්.

08) පියුමි හංසමාලි

පියුමි හංසමාලි කියලා කියන්නේ දිනෙන් දින ආන්දෝලනාත්මක පුවත් මවන හරි අපූරු රුවැත්තියක්. ඇය කියන්න ඕනෑ දේ කෙළින් කතා කරන නිසාත් ඇයගේ රූමත් බව නිසාත් බොහෝ රසික රසිකාවියන් පිරිසක් ඇය වටා එක්රොක් වී සිටිනවා. අද වන විට ඇයගේ ඉන්ස්ටග්‍රෑම් ගිණුමේ මිලියන 1.5 ක රසිකයන් පිරිසකුත් TikTok සමාජ මාධ්‍යයේ ලක්ෂ 8ක රසිකයන් පිරිසකුත් එක් වී සිටීම ඇයගේ fan base එක කොපමණ විශාලද යන්නට හොඳම නිදසුනක්. ඉතින් පසුගිය දින කිහිපය තුළදී ඇය පිළිබඳව විවිධාකාර වූ පුවත් මැවුනා. Mrs world තරගාවලියේ දී සිදුවූ සිදුවීම් සම්බන්ධව සෘජු ලෙස කතා කළ නිසාම ඇයව මේ දවස් වල වඩාත් ජනප්‍රිය චරිතයක් වී තිබෙනවා. දරුවෙක් එක්ක තනිවුන මවක් වුණත් ඇයගේ රූප සුන්දරත්වය නම් කිසිදු අඩුවක් වෙලා නැහැ. එනිසාමයි එදා මෙන් ම අදටත් ඇයට බොහෝ තරුණයන්ගේ ආකර්ෂණය ලැබෙන්නේ. ඉතින් ඇයටම ආවේනික වූ සුන්දරත්වයක් තියෙන නිසා ඇයව අපිට ලංකාවේ සිටින ලස්සනම නිළියක් විදිහට හඳුන්වන්න පුලුවන්.

පියුමි හංසමාලි ලඟදිම කළ අලුත්ම වැඩේ මෙන්න.. ?

09) නතාෂා පෙරේරා

නතාෂා පෙරේරා කියනවට වඩා “දඟමල්ල” කියන නම තමයි ඇයට හරියටම ගැලපෙන්නේ. ඒ තරමටම ප්‍රේක්ෂක ප්‍රතිචාර දගමල්ල ටෙලිනාට්‍ය ඔස්සේ ඈට ලැබුණා. ඒ වගේම ‘සුළඟක් වී’ සින්දුව අදටත් පුංචි ළමයි අතර හරිම ජනප්‍රිය සිංදුවක්. කලා ක්ෂේත්‍රයට ඇය දායකත්වය ලබාදුන් නිර්මාණ ප්‍රමාණය අඩු වුවත් ඇය නිර්මාණය කරන ලද හැම නිර්මාණයක්ම රසිකයන් අතර ඉතාමත් ජනප්‍රිය වුණා. නතාෂා පෙරේරා කියලා කියන්නේ කලා ක්ෂේත්‍රයේ වැඩිය පේන්නට නැති චරිතයක්. නමුත් ඇය කලා ක්ෂේත්‍රයට දායාද කළ ගීත නිර්මාණත් රංගනයේ යෙදුන චරිතත් නිසා අදටත් ඇය ලංකාවට ජනප්‍රිය චරිතයක්. ඇයටම ආවේනික වූ සුන්දරත්වයක් හිමි නිසා ලංකාවේ ඉන්න ලස්සනම රංගන ශිල්පිනියක් විදිහට අපිට ඇයව හඳුන්වන්න පුළුවන්.

10) මාෂි සිරිවර්ධන

මාෂි සිරිවර්ධන කියන්නේ ලංකාවේ ඉන්න යුවතියන්ගෙන් ඉතාමත්ම සුරූපි සුන්දර යුවතියක්. ඇය විවාහ වී සිටින්නේ අප කවුරුත් දන්නා තරුණ තරුණියන් අතර වැඩිපුරම ජනප්‍රිය වී සිටින ආදරණීය දක්ෂ කලාකරුවෙක් වන පුබුදු චතුරංග සමඟයි. මේ වන විට ඉතාමත්ම සාර්ථක විවාහ ජීවිතයක් ගත කරන ඔවුන් සැබැවින් ම තරුණ පරපුරට ලබා දෙන්නේ මහත් වූ ආදර්ශයක්. ඉතින් මෙලෙස ආදරයෙන් සිය ජීවිතය ගෙවාගෙන යන මොවුන් දෙපළගේ මුල්ම හමුවීමත් හරිම සුන්දරයි. ඉතින් කොහොම වුණත් මාෂි කියන්නෙ ඇයටම ආවේණික ලස්සනකට උරුමකම් කියන රුවැත්තියක්. ඒ නිසාම ලංකාවෙ ඉන්න සුන්දරම රංගන ශිල්පිනියක් විදිහට ඇයව අපට හඳුන්වන්නට පුළුවන්.

ඉතින් මා කලින් සඳහන් කළ රංගන ශිල්පිනියන් දහ දෙනාට ඇත්තේ ඔවුන්ටම ආවේණික වූ සුන්දරත්වයක්. නමුත් තවත් බොහෝ රූප සුන්දරියන් කලා ක්ෂේත්‍රය තුළ සිටිනවා. සැබැවින්ම කාන්තාවන්ට ඇත්තේ ඔවුන්ටම ආවේණික වූ සුන්දරත්වයක්. එනිසා ලස්සන කියන දේ එකිනෙකා දකින විදිහ අනුව වෙනස් වෙනවා. කෙසේ නමුත් රංගන ක්ෂේත්‍රය තුළ ඉදිරියටම යාමට මොවුන් සියල්ලටම හැකි වේවා කියලා හදවතින්ම ප්‍රාර්ථනා කරනවා.

_____________________________________________________________

You may like this video 

ජනප්‍රිය නිළි අසේකට කෝටිපති සැමියා දුන්න සර්ප්‍රයිස් මැරේජ් ප්‍රපෝසල් එක ?