ඇල්ජීරියාවේ බිහිසුණු බස් රථ අනතුරක් - පුද්ගලයින් 25 දෙනෙකු ජීවිතක්ෂයට

ඇල්ජීරියාවේ අගනුවර වන ඇල්ජියර්ස් හි නැගෙනහිරින් පිහිටි වෙරළබඩ නගරයක් වන බූමර්ඩෙස් අසලදී අද (31) මගී බස් රථයක් පෙරළීමෙන් පුද්ගලයින් 25 දෙනෙකු පමණ මිය ගොස් තවත් දුසිම් ගනනක් තුවාල ලබා ඇති බව ප්‍රාදේශීය නිලධාරීන් පැවසීය.

අනතුරට හේතුව හඳුනාගෙන නොමැති බව එරට සිවිල් ආරක්ෂක දෙපාර්තමේන්තුව පවසා ඇති අතර තුවාල ලැබූවන් ප්‍රතිකාර සඳහා අසල රෝහල් වෙත ගෙන ගොස් ඇත.

මිරිස්ස මංසන්ධියේ වෙඩි තැබීමක් - පුද්ගලයෙක් රෝහලේ

ඇල්ජීරියානු අගමැති සිෆි ග්‍රිබ් අනතුර සිදු වූ ස්ථානයට ගිය අවස්ථාවේදී හදිසි සේවා සේවකයින් සමඟ කතා කළ අතර, එහිදී බස් රථය මිටියාවතක පතුලේ වැටී සිටිනු දැකගත හැකි විය.

පසුගිය වසරේ අගෝස්තු මාසයේදී ඇල්ජියර්ස් අසල බස් රථයක් අනතුරට ලක්වීමෙන් පුද්ගලයින් 18 දෙනෙකු මිය ගිය බව AFP වාර්තා කළේය. එම වසරේ දෙසැම්බර් මාසයේදී බෙචාර් හි දකුණු ප්‍රදේශයේදී ඔවුන්ගේ බස් රථය පෙරළීමෙන් පුද්ගලයින් 14 දෙනෙකු මිය ගියේය. ඇල්ජීරියාවේ මාර්ග ආරක්ෂක බලධාරීන් පවසන්නේ පසුගිය වසරේ රථවාහන අනතුරු වලින් පුද්ගලයින් 3,838 දෙනෙකු මිය ගිය බවත් 37,000 කට වැඩි පිරිසක් තුවාල ලැබූ බවත්ය.