තව සති දෙකයි..මේ ග්‍රහලෝක පෙළපාලිය නම් මගහරවා ගන්න එපා..
Piyumika
පෘථිවියේ දක්ෂිණ අර්ධ ගෝලයේ වාසය කරන ජනතාවට සුවිශේෂී අවස්ථාවක් හිමි වී තිබේ.
ඒ සෞරග්‍රහ මණ්ඩලයේ ග්‍රහලෝක 6ක් එක රේඛාවක සිට පිහිටනු දැකීමේ සුවිශේෂී අවස්ථාවයි.
ඒ අනුව මැයි 28 වනදා සිට ජූනි 06 වනදා දක්වා බ්‍රහස්පති, බුද, අඟහරු, සහ සෙනසුරු එක පෙළට පියවි ඇසින් දැකීමට හැකිවන අතර, යුරේනස් සහ නෙප්චූන් ග්‍රහ ලෝකයද දුරදක්නයකින් බලාගත හැකිවේ.
මෙය මේ වසරේ දක්නට ලැබෙන දෙවන ග්‍රහලෝක පෙළපාලිය වන අතර එය අවසන් වරට දර්ශනය වූයේ පසුගියද‍ා පැවති සූර්යග්‍රහණ අවස්ථාවේදිය.
තාරකා විද්‍යාඥයන් ප්‍රකාශ කළේ ඔස්ට්‍රේලියාවේ සිඩ්නි නගරයට ලබන 28 වනදාත්, ටෝකියෝ සහ ඇතන්ස් හිදී ජූනි 2 වැනි දිනටත් එය දැකගත හැකි වනවා සේම ලෝකයේ අනෙකුත් ප්‍රදේශවල සිටින අයට ලබන 28 සහ ජූනි 6 අතර අවම වශයෙන් පෙළපාලියේ කොටසක් දැකගත හැකි වනු ඇති බවයි.
අමෙරිකාවේ නිව්යෝක්, බ්‍රසීලය, මෙක්සිකෝ, අබුඩාබි, හොංකොං, ඇතන්ස් සහ ටෝකියෝ වාසීන්ටත් එම අවස්ථාව දැක බලා ගැනීමට වාසනාව ඇත.
