තරුණ අභ්‍යාසලාභී වෛද්‍යවරියක් දූෂණය කර මරාදමයි..මුළු ප්‍රදේශයක්ම උණුසුම්වෙයි.(PHOTOS)
Aruna
කොල්කටා නගරයේ අභ්‍යාසලාභී වෛද්‍යවරියක් දූෂණය කර මරා දැමීමෙන් පසු වෛද්‍යවරුන්ගේ විරෝධතාවක් රට පුරා පැතිර යාමෙන් පසු ඉන්දියාවේ නගර කිහිපයක රෝහල් සේවා කටයුතු අඬාල වී තිබෙන බව වාර්තා වනවා.
31 හැවිරිදි මෙම වෛද්‍යවරිය ඝාතනය කිරීම සම්බන්ධයෙන් පොලිස් ස්වේච්ඡා සේවකයෙකු අත්අඩංගුවට ගත් බවයි එරට මාධ්‍ය වාර්තා පවසන්නේ.
ඝාතනයට ලක් වූ මෙම වෛද්‍යවරියගේ මළ සිරුර සොයාගෙන තිබුණේ පසුගිය 9 වැනිදා ආර්.ජී.කාර් වෛද්‍ය විද්‍යාලයේ සම්මන්ත්‍රණ ශාලාවක් තුළදීයි.
මුම්බායිහි පිහිටි බටහිර මහාරාෂ්ට්‍ර ප්‍රාන්තයේ රජයේ වෛද්‍යවරුන් 8,000කට අධික සංඛ්‍යාවක් හදිසි සේවා හැර අනෙකුත් සියලුම රෝහල් දෙපාර්තමේන්තුවල වැඩ නතර කළ බවයි ඉන්දීය මාධ්‍ය වාර්තා පවසන්නේ.
විදෙස් මාධ්‍ය සඳහන් කරන්නේ, නවදිල්ලියේ අගනුවර, සුදු කබා ඇඳගත් කනිෂ්ඨ වෛද්‍යවරු විශාල රජයේ රෝහලකින් පිටත විරෝධතාවයේ වාඩි වී සිටින බවයි.
යුක්තිය සහ වඩා හොඳ සේවා ස්ථානවල ආරක්ෂාව ඉල්ලා වෛද්‍යවරුන් විසින් මුලින් කොල්කටාහි ආරම්භ කළ විරෝධතා මේ වන විට රටේ අනෙකුත් ප්‍රදේශවලට ද ව්‍යාප්ත වී ඇත.
කාන්තාවන්ට එරෙහි ලිංගික ප්‍රචණ්ඩත්වය ඉන්දියාවේ පුලුල්ව පැතිරුනු ගැටලුවක් වන අතර බිලියන 1.4 ක ජනගහනයක් සිටින රටෙහි දිනකට සාමාන්‍යයෙන් ස්ත්‍රී දූෂණ 90 කට ආසන්න සංඛ්‍යාවක් 2022 වර්ශයේදී වාර්තා විය.
නේවාසික වෛද්‍යවරුන්ගේ සංගමයේ සර්වේෂ් පාණ්ඩේ පැවසුවේ “රෝහල්වල දැඩි ආරක්ෂක විධිවිධාන තිබිය යුතු අතර සීසීටීවී කැමරා සවි කළ යුතු බවයි.
විරෝධතා දක්වන වෛද්‍යවරුන්ගේ ඉල්ලීම්වලට සෞඛ්‍ය සේවකයින් රැකියාවේදී ප්‍රචණ්ඩත්වයෙන් ආරක්ෂා කිරීමේ විශේෂිත නීතියක් ඇතුළත් බවයි ඔහු සඳහන්කර ඇත්තේ.
වෛද්‍යවරුන්ට පහර දෙන සිදුවීම් සෑම දිනකම සිදුවෙමින් පවතින බව ද වාර්තාවේ.
ඉන්දියානු වෛද්‍ය සංගමය විසින් කරන ලද සමීක්ෂණයකින් හෙළි වූයේ ඉන්දියාවේ වෛද්‍යවරුන්ගෙන් සියයට 75%ක් යම් ආකාරයක ප්‍රචණ්ඩත්වයකට මුහුණ දී ඇති බවයි.
