පැය 24 පුරාම ක්‍රියාත්මකයි - හදිස්සියක් ආවොත් මතක් කරන්න!
Shehan
සමුද්‍රීය ආරක්ෂාව තර කිරීම සහ මුහුදු ආපදාවලදී ඉක්මන් ප්‍රතිචාර සහතික කිරීම සඳහා ශ්‍රී ලංකා වෙරළාරක්ෂක දෙපාර්තමේන්තුව පැය 24 පුරා ක්රියාත්මක “106” හදිසි ඇමතුම් අංකය හඳුන්වා දී ඇත.
මෙමඟින් හදිසි අවස්ථාවකදී වෙරළාරක්ෂක මෙහෙයුම් මධ්‍යස්ථානයට සෘජුව සම්බන්ධ වී දැනුම් දීමේ හැකියාව ලැබේ.
මෙම නව ඇමතුම් අංකය හරහා හදිසි ප්‍රතිචාර කාලය අවම කිරීම සහ සමුද්‍රීය ආපදා සම්බන්ධීකරණය වැඩිදියුණු කිරීම ඉලක්ක කෙරේ.
මහජනතාවට, නාවිකයින්ට සහ වෙරළබඩ ප්‍රජාවන්ට ඉක්මන් සන්නිවේදන ක්‍රමයක් ලබා දෙමින්, වෙරළාරක්ෂක දෙපාර්තමේන්තුව මෙහෙයුම් සූදානම ඉහළ නංවන අතර, සමුද්‍රීය ආරක්ෂාව සහ පරිසර සංරක්ෂණයට ජාතික ප්‍රයත්න ශක්තිමත් කරයි.
ශ්‍රී ලංකාවේ ප්‍රමුඛ සමුද්‍රීය නීති ක්රියාත්මක කිරීමේ ආයතනය වන වෙරළාරක්ෂක දෙපාර්තමේන්තුව, මුහුදු තීරයේ ආරක්ෂාව සහ සමුද්‍රීය පරිසරය ආරක්ෂා කිරීමේ වගකීම ඉටු කරයි.
ජීවිත හා දේපළ ආරක්ෂා කිරීම, තෙල් කාන්දු කළමනාකරණය, මත්ද්‍රව්‍ය හා මිනිස් ජාවාරම් මැඩලීම, සෝදිසි හා මුදවා ගැනීම් ඇතුළු නීතිවිරෝධී ක්‍රියා මැඩපැවැත්වීමට එය දායක වේ.
සියලුම නාවිකයින්, ධීවරයින් සහ මුහුදු ආශ්‍රිත ප්‍රජාවන්ට හදිසි අවස්ථාවලදී “106” භාවිතා කරන ලෙස වෙරළාරක්ෂක දෙපාර්තමේන්තුව දැනුම් දෙයි.
![දේශබන්දුගේ නොදුටු පැත්ත සහ පාස්කු ප්‍රහාරයට සම්බන්ධ වුන හැටි මෙන්න [VIDEO]](https://cdn.ibcstack.com/article/8188a173-26d0-4cf2-b00e-4088ab61ae29/25-67f38dc094dcf-sm.webp)
