හිස්බුල්ලා සැඟවී සිට ඊශ්‍රායල ටැංකි 3ක් කුඩු කරයි- නබාටියේ දිස්ත්‍රික්කය යුද පිටියක් කරමින් 18ක් මරුට

 දකුණු ලෙබනනයට ඊශ්‍රායලය එල්ල කළ ගුවන් ප්‍රහාර මාලාවකින් අවම වශයෙන් පුද්ගලයින් 18 දෙනෙකු ජීවිතක්ෂයට පත්ව ඇති අතර තවත් 33 දෙනෙකු තුවාල ලබා ඇති බව ලෙබනන් සෞඛ්‍ය අමාත්‍යාංශය නිවේදනය කර ඇත.

ඊශ්‍රායල ආරක්ෂක හමුදාව (IDF) පවසන්නේ, ඉරානයේ සහාය ලබන හිස්බුල්ලා සංවිධානයට අයත් ඉලක්ක 80කට වැඩි සංඛ්‍යාවකට ප්‍රහාර එල්ල කළ බවත්, එහිදී සටන්කරුවන් රැසක් මියගිය බවත්ය.

එමෙන්ම හිස්බුල්ලා ප්‍රහාරවලින් ඊශ්‍රායල සොල්දාදුවන් සිව් දෙනෙකු ද මියගොස් ඇති බව වාර්තා වේ. මෙම ප්‍රහාර එල්ල වී ඇත්තේ මැද පෙරදිග සතුරුකම් අවම කිරීමේ අරමුණින් එක්සත් ජනපදය සහ ඉරානය අතර නව ගිවිසුමක් අත්සන් කර දිනක් ගතවීමෙන් අනතුරුවය.

ප්‍රධාන ගුවන් තොටුපළක් ලේ විලක් වෙයි -සන්නද්ධ කණ්ඩායමක් කඩාවැදී එල්ල වූ ප්‍රහාරයෙන් 35ක් මරුට

එම ගිවිසුම ලෙබනනය ඇතුළු කලාපයේ ගැටුම් අවසන් කිරීම සහ රටවල ස්වෛරීභාවයට ගරු කිරීම අවධාරණය කරයි. කෙසේ වෙතත්, ඊශ්‍රායලය පවසන්නේ ලෙබනනයේ සිටින සිය හමුදා ඉවත් කර ගැනීමට සැලසුමක් නොමැති බවත්, හිස්බුල්ලා සංවිධානයට එරෙහි මෙහෙයුම් අඛණ්ඩව පවත්වාගෙන යන බවත්ය.

දකුණු ලෙබනනයේ නබාටියේ දිස්ත්‍රික්කයට එල්ල වූ නවතම ප්‍රහාරය වත්මන් ගැටුමේ දරුණුතම ප්‍රහාරවලින් එකක් ලෙස සැලකෙන අතර, ගොඩනැගිලි රැසකටද හානි සිදුව ඇත.

මේ අතර, හිස්බුල්ලා සංවිධානය පවසන්නේ දකුණු ලෙබනනයේදී ඊශ්‍රායල හමුදා ඉලක්ක කර මඟපෙන්වන මිසයිල සහ රොකට් ප්‍රහාර එල්ල කළ බවයි.

ලෙබනනයේ ගැටුම් ආරම්භ වූ දා සිට පුද්ගලයින් 3,900කට වැඩි පිරිසක් මියගොස් ඇති අතර, 11,000කට අධික පිරිසක් තුවාල ලබා තිබේ. තවද මිලියනයකට ආසන්න ජනතාවක් අවතැන් වී ඇති බව ලෙබනන් බලධාරීහු පවසති.

ගැටුම් තවදුරටත් උත්සන්න වීම සම්බන්ධයෙන් ජාත්‍යන්තර අවධානය යොමුව ඇති අතර, ප්‍රංශය ඇතුළු රටවල් ඊශ්‍රායලයෙන් සටන් විරාම රාමුවට ගරු කරන ලෙස ඉල්ලා සිටී