අධිවේගී මාර්ග ජාලයේ දැවැන්ත පිම්මක් - රුපියල් බිලියන 233ක අලුත්ම ව්‍යාපෘතියක් මෙන්න

2030 වන විට ශ්‍රී ලංකාවේ අධිවේගී මාර්ග ජාලය කිලෝමීටර් 132 කින් පුළුල් කිරීමට නියමිත බව ප්‍රවාහන හා මහාමාර්ග අමාත්‍යාංශය පවසයි. එම ඉලක්කය සඳහා ප්‍රධාන අධිවේගී මාර්ග ව්‍යාපෘති හතරක් ක්‍රියාත්මක කෙරෙමින් පවතී.

දැනට මධ්‍යම අධිවේගී මාර්ගයේ පළමු අදියර යටතේ කඩවත–මීරිගම (කිලෝමීටර් 37) කොටස සහ තුන්වන අදියරේ පොතුහැර–ගලගෙදර (කිලෝමීටර් 33) කොටස ඉදිකෙරෙමින් පවතී.

ඒ අතර, 2026 වසර අවසන් වීමට පෙර කුරුණෑගල–දඹුල්ල අධිවේගී මාර්ග ව්‍යාපෘතියේ කුරුණෑගල–ගලේවෙල (කිලෝමීටර් 38) කොටසේ ඉදිකිරීම් ආරම්භ කිරීමට සැලසුම් කර ඇත.

රුපියල් බිලියන 233ක් වැය වන බවට ඇස්තමේන්තු කර ඇති මෙම ව්‍යාපෘතිය පැකේජ 12ක් යටතේ විනිවිද පෙනෙන ටෙන්ඩර් ක්‍රියාවලියක් මගින් ක්‍රියාත්මක කෙරෙන අතර, එහි ඉදිකිරීම් දේශීය සමාගම් වෙත පැවරීමට නියමිතය.

හැමෝම හොයන අද ඩොලරයේ අගයේ වෙනසක්- රුපියල තවත් ශක්තිමත් වෙයි

මීට අමතරව, කිලෝමීටර් 24ක් ආවරණය වන රුවන්පුර අධිවේගී මාර්ග ව්‍යාපෘතිය ද මෙම වසර තුළ ආරම්භ කිරීමට සැලසුම් කර තිබේ.

මෙම සියලු ව්‍යාපෘති සඳහා දේශීය රජයේ අරමුදල් යොදා ගැනීම විශේෂත්වයක් වන අතර, අධිවේගී මාර්ග සංවර්ධනය සම්පූර්ණයෙන්ම දේශීය සම්පත්වලින් මූල්‍යනය කරන ශ්‍රී ලංකාවේ පළමු අවස්ථාව මෙය බව ප්‍රවාහන හා මහාමාර්ග අමාත්‍යාංශය සඳහන් කළේය.