රට පුරාම හොයන සෙව්වන්දියි ප්‍රසන්නයි කෝ??

පසුගිය දිනවල වැඩි වශයෙන් කතා බහට ලක් වුණු ඉෂාරා සෙව්වන්දි සහ හිටපු රාජ්‍ය අමාත්‍ය ප්‍රසන්න රණවීර ගැන ඇහෙන කතාවක් මේ .

පාතාල කල්ලි නායක සංජීව කුමාර සමරරත්න නොහොත් ගනේමුල්ල සංජීව නමැත්තා කොළඹ අලුත් කඩේ අධිකරණයේදී වෙඩි තබා ඝාතනය කිරීමේ සිද්ධිය සම්බන්ධයෙන් ආධාර අනුබල දුන් බව පැවසෙන නීතිඥවරියක ලෙස වෙස් ගත් ඉෂාරා සෙව්වන්දි නමැත්තිය සහ කිරිබත්ගොඩ ප්‍රදේශයේ රජයේ ඉඩමක් ව්‍යාජ ඔප්පු සකසා විකුණන ලදැයි කියන සිද්ධියක් සම්බන්ධයෙන් අත්අඩංගුවට ගැනීමට සොයන හිටපු රාජ්‍ය අමාත්‍ය ප්‍රසන්න රණවීර මහතා තවමත් අත්අඩංගුවට ගැනීමට හැකිවී නැතැයි පොලිස් මූලස්ථානය පවසනවා.

ඉෂාරා සෙව්වන්දි නමැත්තිය එම වෙඩි තැබීමේ සිද්ධිය සිදුවූ පසුගිය පෙබරවාරි මස 19 වැනිදා සිට අතුරුදන්ව සිටින අතර ඇය මෙතෙක් අත්අඩංගුවට ගැනීමට නොහැකි වී ඇති කාලය මාස දෙකකට වැඩිය.

හිටපු රාජ්‍ය අමාත්‍ය ප්‍රසන්න රණවීර මහතා අත්අඩංගුවට ගැනීමට පරීක්ෂණ ආරම්භ කළ පසුගිය මාර්තු මස 7 වැනිදා සිට අතුරුදන්ව සිටින අතර ඔහු මෙතෙක් අත්අඩංගුවට ගැනීමට නොහැකි වී ඇති කාලය මාසෙකුත් දින 14කි.

උසස් පොලිස් නිලධාරියෙක් පැවසුවේ ඉෂාරා සෙව්වන්දි නමැත්තිය හොර රහසේ විදේශගත වන්නට ඇතැයි සැක කරන බවයි.

වතිකානුවට වැඩබලන ප්‍රධානියෙක්

මේ සම්බන්ධයෙන් පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නීතිඥ බුද්ධික මනතුංග මහතා කියා සිටියේ ඉෂාරා සෙව්වන්දි නැමැත්තිය අත්අඩංගුවට ගැනීමට කොළඹ අපරාධ කොට්ඨාශයද හිටපු රාජ්‍ය අමාත්‍ය ප්‍රසන්න රණතුංග මහතා අත්අඩංගුවට ගැනීමට අපරාධ පරීක්ෂණ දෙපාර්තමේන්තුවද දිගින් දිගටම පරීක්ෂණ පවත්වන බවයි.

කිරිබත්ගොඩ ප්‍රදේශයේ රජයේ ඉඩමක් ව්‍යාජ ඔප්පුවකින් අලෙවි කිරීමේ සිද්ධියක් සම්බන්ධයෙන් මහර මහෙස්ත්‍රාත් අධිකරණය හමුවේ නඩුව කැඳවු අවස්ථාවේදී මහෙස්ත්‍රාත් කංචනා නිරංජලා ද සිල්වා මහත්මිය හිටපු රාජ්‍ය අමාත්‍ය ප්‍රසන්න රණවීර මහතා අත්අඩංගුවට ගැනීමට නියෝගයක් නිකුත් කළාය.

එම ඉඩම් සිද්ධියට අදාළව හිටපු මහජන සම්බන්ධතා අමාත්‍ය මර්වින් සිල්වා මහතාද මහර මහෙස්ත්‍රාත් අධිකරණයෙන් මැයි මස 5 වැනිදා දක්වා රිමාන්ඩ් බන්ධනාගාර ගත කරනු ලැබ සිටී.

කිරිබත්ගොඩ ප්‍රදේශයේ රජයේ ඉඩමකට හොර ඔප්පු සකස් කර විකුණූ බව කියන සිද්ධිය සම්බන්ධයෙන් හිටපු රාජ්‍ය අමාත්‍ය ප්‍රසන්න රණවීර මහතා අත්අඩංගුවට ගැනීමට අපරාධ පරීක්ෂණ දෙපාර්තමේන්තුවේ කණ්ඩායමක් ඔහුගේ කැලණියේ නිවසට ඉකුත් මාර්තු මස 6 වැනිදා ගිය අවස්ථාවේදී ඔහු නිවසින් පලා ගොස් සිටියේය.

මේ අවස්ථාවේදී ප්‍රසන්න රණවීර මහතාගේ බිරිය ඇතුළු පවුලේ සාමාජිකයන් එම නිවසේ සිට ඇති අතර අපරාධ පරීක්ෂණ දෙපාර්තමේන්තුව එහිදී රණවීර මහතාගේ බිරිඳගෙන් සහ රියදුරුගෙන් ප්‍රකාශයක් සටහන් කර ගත්තා.

අපරාධ පරීක්ෂණ දෙපාර්තමේන්තුව මෙම ඉඩම් සිද්ධිය සම්බන්ධයෙන් හිටපු ප්‍රාදේශීය සභා මන්ත්‍රීවරයෙකු , ව්‍යාපාරිකයකු සහ නීතිඥවරයෙකු ඇතුළු හය දෙනකු අත්අඩංගුවට ගැනීමටද පරීක්ෂණ පවත්වමින් සිටිනවා. 

ව්‍යාජ ලිපියක් හැමතැනම රැවටෙන්න එපා - ශ්‍රී ලංකා පොලිසිය