වාහන ආනයනයට කැබිනට් මණ්ඩලයේ විශේෂ අනුමැතියක් හිමිවෙයි..මෙරටට ගේන වාහන වර්ග මෙන්න..

සංචාරක ව්‍යාපාරයේ අවශ්‍යතාවයන් සඳහා අවශ්‍ය වෑන් රථ සහ කුඩා ප්‍රමාණයේ බස් රථ ආනයනය සඳහා සංචාරක අමාත්‍ය හරීන් ප්‍රනාන්දු මහතා ඉදිරිපත් කර ඇති යෝජනාවකට කැබිනට් අනුමැතිය හිමිවූ බව කැබිනට් ප්‍රකාශක අමාත්‍ය බන්දුල ගුණවර්ධන මහතා විසින් දැනුම්දී තිබෙනවා.

එම වාහන ආනයනය සඳහා විශේෂ බදු සහන හිමි නොවන බවයි පැවසෙන්නේ.

ඒ අනුව විශේෂයෙන්ම සංචාරකයන් ප්‍රවාහනය කිරීම සඳහා භාවිත කිරීම පිණිස ආසන 6 - 15 වෑන් රථ 750ක් (විදුලි සහ දෙමුහුන් රථ ඇතුළුව) සහ ආසන 16-30 කුඩා ප්‍රමාණයේ බස් රථ හා ආසන 30-45 බස් රථ 250ක් ආනයනය කිරීම ට අනුමැතිය ලැබී ඇති බවයි වාර්තා වන්නේ.

කොරෝනා වයිරස් වසංගතයේ බලපෑම හේතුවෙන් ශ්‍රී ලංකාව වාහන ආනයනය සඳහා තහනමක් පැනවූ අතර පසුව ජාතිය මුහුණ දී ඇති ආර්ථික අර්බුදය හේතුවෙන් තහනම දීර්ඝ කළේය.

කෙසේ වෙතත්, වාහන ආනයන තහනම කලින් කලට ව්‍යතිරේක සපයමින් ලිහිල් කර ඇති අතර, නව වාහන අතලොස්සක් ගෙන්වා ගැනීමට තෝරාගත් අමාත්‍යාංශ සහ රාජ්‍ය ආයතනවලට රජය බලය පවරා ඇත.

වාහන ආනයනය සඳහා අනුමැතිය ලැබෙන නවතම කර්මාන්තය බවට ශ්‍රී ලංකාවේ සංචාරක අංශය පත්ව ඇත.