අස්වැසුම ලක්ෂ 30කට තට්ටු කළ රාජ්‍ය නිලධාරිනියන් දෙදෙනා රක්ෂිත බන්ධනාගාරයට

දිවයිනේ වැඩිම අස්වැසුම ප්‍රතිලාභීන් සිටින නෝර්වුඩ් ප්‍රාදේශීය ලේකම් කාර්යාලයේ අස්වැසුම ප්‍රතිලාභීන්ගේ රු.ලක්ෂ 30කට ආසන්න මුදලක් වංචා කළ බවට සැකපිට නිලධාරිනියන් දෙදෙනෙකු හැටන් පොලිස් කොට්ඨාශ විශේෂ විමර්ශන ඒකකයේ නිළධාරීන් විසින් ඊයේ අත්අඩංගුවට ගෙන ඇත

හැටන් දිසා අධිකරණයේ වැඩ බලන මහෙස්ත්‍රාත්එස්.පාර්තිබන් මහතා වෙත ඉදිරිපත් කිරිමෙන් පසු එම සැකකාරිනියන් දෙදෙනා මෙම මස(04) දක්වා රක්ෂිත බන්ධනාගාර ගත කිරීමට නියෝග කර තිබේ.

මෙසේ රක්ෂිත බන්ධනාගාර ගත කරනු ලැබූවේ නෝර්වුඩ් ප්‍රාදේශීය ලේකම් කාර්යාලයේ අස්වැසුම අංශය භාරව සිටි හැටන් දික්ඔය ප්‍රදේශයේ නිලධාරිනියක් සහ තවත් නිළධාරිනියක් වේ.

සැකකාරිනියන් දෙදෙනා 2023,2024,2025 යන වසරවල අස්වැසුම ප්‍රතිලාභීන්ගේ මුදල් එම නිලධාරිනියන්ගේ ඥාතීන්ගේ සහ හිතවතුන්ගේ ගිණුමවලට බැරකර ඇති බවට සිදුකරන ලද මූලික විගණනයේදි අණාවරණය වූ බව පවසමින් නෝර්වුඩ් ප්‍රාදේශීය ලේකම් සමීර ගම්ලත් මහතා විසින් හැටන් පොලිස් කොට්ටාශ විශේෂ විමර්ශන ඒකකය වෙත පැමිණිලි කර ඇත

ඒ අනුව සැකකාරිනියන් දෙදෙනා අත්අඩංගුවට ගෙන ප්‍රකාශ ලබාගෙන අධිකරණය වෙත ඉදිරිපත් කර තිබේ මේ අතර, නෝර්වුඩ් ප්‍රාදේශීය ලේකම් කාර්යාලය යටතේ අස්වැසුම ප්‍රතිලාභීන් ඔවුන්ට හිමි අස්වැසුම දීමනාව නොලැබුණු බවට නුවරඑළිය දිස්ත්‍රික් ලේකම් තුෂාරි තෙන්නකෝන් මහත්මිය වෙතට නිර්ණාමිකව ලිපියක් ඉදිරිපත් වී ඇත

ඒ මත ක්‍රියාත්මක වූ දිස්ත්‍රික් ලේකම්වරිය සැකකාරිණියන් දෙදෙනා එම දිස්ත්‍රික්කයේම වෙනත් ප්‍රාදේශීය ලේකම් කාර්යාල වෙත මාරුකර තිබේ පසුව නුවරඑළිය දිස්ත්‍රික් ලේකම් කාර්යාලයේ විගණන අංශයේ සහ මුදල් අමාත්‍යාංශයේ විගණන අංශයේ නිලධාරින්ගෙන් සමන්විත 10 දෙනෙකුගේ කණ්ඩායමක් යොදා සිදු කරන ලද විගණන විමර්ශනයකදී මෙම මුදල් වංචාව සිදුව ඇති බවට අනාවරණය වී තිබේ.

එම විගණන නිලධාරීන් ප්‍රාදේශිය ලේකම් කාර්යාලයේම රැදී සිටිමින් තව දුරටත් සිද්ධිය සම්බන්ධයෙන් විමර්ශන කටයුතු සිදු කරනු ඇති අතර, එම නිලධාරීන් විසින් මේ වන විට එම කාර්යාලය යටතේ වැඩ කරන සියලුම ග්‍රාම සේවා නිලධාරීන්ගේ සහ නෝර්වුඩ් ප්‍රාදේශීය ලේකම් කාර්යාලයේ අස්වැසුම අංශයේ තවත් නිලධාරීන් රැසකගෙන් ප්‍රකාශ සටහන් කරගෙන තිබේ

මේ අතර, සැකකරුවන් විසින් ලබාදුන් ප්‍රකාශ අනුව මෙම මුදල් වංචාවට සම්බන්ධ එම කාර්යාලයේ තවත් නිලධාරින් තිදෙනෙකුගේ වැඩ තහනම් කිරීමට නුවරඑළිය දිස්ත්‍රික් ලේකම්වරිය විසින් මේ වන විට පියවර ගෙන ඇත.

දවස් හතරක් එක දිගට කෑම ලෝකෙක තනි වෙන්න ආසද? Reecha Food Festival කෑම පිස්සෙක්ට කියාපු දවසක් මෙන්න

තම ඥාතීන්ගේ සහ හිතවතුන්ගේ ගිනුම්වලට අස්වැසුම ප්‍රතිලාභීන්ගේ මුදල් බැරකර එම මුදල් පසුව සැකකාරිනියන් දෙදෙනා විසින් ලබා ගෙන ඇති බවටද තහවුරු වී ඇත. අස්වැසුම මුදල් නොලැබුණූ බවට ප්‍රතිලාභීන් විසින් එම කාර්යාලයට ගොස් අදාළ නිලදාරීන්ගෙන් කරුණු විමසීමේදී ,මුදල් ලැබුණා නම් ගිණුමට බැර කරන බවත් නැවත කාර්යාලයට නොපැමිණෙන ලෙසත් එම ප්‍රතිලාභීන්ට තර්ජනය කර ඇති බවටද තොරතුරු අනාවරණය වී තිබේ

තවද නුවරඑළිය දිස්ත්‍රික් සම්බන්ධීකරණ කමිටුවේ සභාපති සහ නුවරඑළිය දිස්ත්‍රික් පාර්ලිමේන්තු මන්ත්‍රී මංජුල සුරවිරආරච්චි මහතා කියා සිටියේ නුවරඑළිය දිස්ත්‍රිකකයේ ප්‍රාදේශීය ලේකම් කාර්යාලවල අස්වැසුම ප්‍රතිලාභීන්ගේ මුදල් සහ සමෘද්ධිලාභීන්ගේ ප්‍රතිලාභවලට මෙවැනි වංචා සිදුව ඇත්ද යන්න පිළිබදව කඩිනමින් විගණනයක් සිදු කිරීමට අවශ්‍ය පියවර ගනිමින් සිටින බවයි  

බලංගොඩ කස්සප හිමි වස් වැසූ ගමේ වනඅලි තුන්වෙනි පාරටත් ගෙය කඩා බිඳ දමයි - පුංචි දියණියන් දෙන්නා අනූනවයෙන් දිවි බේරාගනී