තිස්ස ජනනායක ප්රශ්ණයක පැටලෙයි - ජනප්රිය උපකාරක පන්ති ගුරුතුමා තමන්ට එල්ල වුණ චෝදනා වලට උත්තර බඳියි
ශ්රී ලංකාවේ ජනප්රිය උපකාරක පන්ති ගුරුවරයෙකු වන තිස්ස ජනනායක මහතා, සමාජ මාධ්ය ඔස්සේ සංසරණය වන තම බදු ගෙවීම් පිළිබඳ චෝදනා සම්බන්ධයෙන් සවිස්තරාත්මක පැහැදිලි කිරීමක් සිදු කර ඇත. එහිදී ඔහු බදු මග හැරීමේ චෝදනා ප්රතික්ෂේප කළ අතර, තමාට ගෙවීමට ඇති බදු වගකීම් පැන නැගීමට හේතු වූ පසුබිම පැහැදිලි කළේය.
"තිස්ස සර්ගේ බදු ප්රශ්නය" (Tissa Sir’s Tax Issue) යන මැයෙන් නිකුත් කළ ප්රකාශයක, ජනානයක මහතා සඳහන් කළේ ජාතික ජන බලවේග (NPP) රජය බලයට පත්වීමෙන් පසු තමාට හෝ ආදායම් බදු ගෙවන වෙනත් ගුරුවරුන්ට අමතර බදු පනවා නොමැති බවයි.
පැවිදි වූ පිරිමි දරුවාට ලිංගික අපයෝජන කළ භික්ෂුව - මාස 10ක් පුරා කළ අපරාධයට මෙන්න නියම දඬුවමක් අධිකරණයෙන්
ඔහු පැහැදිලි කළේ, තමා විසින් ගෙවනු ලබන සැලකිය යුතු බදු මුදල්, 2022 වසරේදී පෙර පැවති රජයක් යටතේ හඳුන්වා දුන් 'සමාජ ආරක්ෂණ දායකත්ව බද්ද' (Social Security Contribution Levy - SSCL) හා සම්බන්ධ බවයි.
තමා 1998 වසරේ සිට ස්වයං තක්සේරු ක්රමවේදය යටතේ ස්වේච්ඡාවෙන් ආදායම් බදු ගෙවීම ආරම්භ කළ බවත්, එහිදී ගෙවූ පළමු බදු මුදල රුපියල් 288ක් පමණක් වූ බවත් ජනානයක මහතා පැවසීය.
දිවයින පුරා සියලුම පාසල් සඳහා විශේෂ නිවේදනයක් - ගුරුභවතුන් සහ අනධ්යයන කාර්ය මණ්ඩලය වෙනුවෙන් විශේෂ දැනුම්දීමක්
පසුගිය වසර 28 පුරාම තමා අඛණ්ඩව ආදායම් බදු ගෙවා ඇති බවත්, එම කාලය තුළ රජයේ ආදායම සඳහා සැලකිය යුතු මුදලක් දායක කර ඇති බවත් ඔහු සඳහන් කළේය.
පුද්ගල ආදායම් බද්ද (Individual Income Tax - IIT) සහ සමාජ ආරක්ෂණ දායකත්ව බද්ද (SSCL) අතර වෙනස පැහැදිලි කරමින් ඔහු සඳහන් කළේ, සමාජ ආරක්ෂණ දායකත්ව බද්ද ගණනය කරනු ලබන්නේ ලාභය මත නොව, ව්යාපාරයේ සමස්ත පිරිවැටුම (turnover) මත බවයි.
නිශ්චිත වාර්ෂික පිරිවැටුම් සීමාව ඉක්මවා යන ව්යාපාර සඳහා මෙම බද්ද අදාළ වන බවත්, තම ආදායම එම සීමාව ඉක්මවා ගිය බැවින් 2022 වසරේ සිට තමාට මෙම බද්ද (SSCL) ගෙවීමට සිදුවූ බවත් ඔහු පැහැදිලි කළේය.
පියා විභාග දෙපාර්තුමේන්තුවේ - පුතා විභාගයෙන් ප්රථම ස්ථානය - ආන්දෝලනාත්මක ප්රකාශයක් හෙළිකළ මන්ත්රී රෝහිණි
ජනානයක මහතා පවසන පරිදි, වර්තමාන රජය විසින් අලුතින් බද්දක් හඳුන්වා දීමක් නොව, ඉහත සඳහන් කළ බද්ද හේතුවෙන් තම බදු වගකීම්වල සැලකිය යුතු ඉහළ යාමක් සිදුවී ඇත. තම බදු වගකීම් පියවීම සඳහා දේශීය ආදායම් දෙපාර්තමේන්තුවෙන් තවදුරටත් කාලය ඉල්ලා සිටි බවත්, ඒ අනුව මේ වන විට බදු ගෙවීම් සිදු කරමින් පවතින බවත් ඔහු තහවුරු කළේය.
තමා හිතාමතාම බදු ගෙවීම මග හැර ඇති බවට හෝ බදු වංචාවක නිරත වී ඇති බවට එල්ල වී ඇති චෝදනා ජනානයක මහතා දැඩි ලෙස ප්රතික්ෂේප කළේය. තවද, තමා සතු චංචල සහ නිශ්චල දේපළ (තමාගේ සහ තම දරුවන්ගේ නමින් ලියාපදිංචි දේපළ ද ඇතුළුව) පිළිබඳ විස්තර මෙන්ම බැංකු ගිණුම් තොරතුරු ද දේශීය ආදායම් දෙපාර්තමේන්තුව වෙත හෙළිදරව් කර ඇති බව ඔහු ප්රකාශ කළේය.
සමාජ මාධ්ය ඔස්සේ තමාට විවේචන එල්ල කරන පාර්ශ්වයන්ට ප්රතිචාර දක්වමින් ජනානයක මහතා හෙළි කළේ, තමා දැනටමත් රුප 2026 වසර තුළ දේශීය ආදායම් දෙපාර්තමේන්තුව වෙත බදු වශයෙන් මිලියන 17ක් ගෙවා ඇත. බදු එකතු කිරීමේදී දේශීය ආදායම් දෙපාර්තමේන්තුව අනුගමනය කරන වෘත්තීයමය සහ කාරුණික ප්රවේශය පිළිබඳව ද ඔහු ප්රශංසා කළ අතර, බදු ගෙවන්නන්ට අනවශ්ය පීඩනයකින් තොරව තම වගකීම් ඉටු කිරීමට නිලධාරීන් ඉඩ සලසා දෙන බව සඳහන් කළේය.
බදු නොගෙවීම සම්බන්ධයෙන් ශ්රී ලංකාවේ කිසිදු අධිකරණයක තමාට එරෙහිව නීතිමය ක්රියාමාර්ග ආරම්භ කර නොමැති බව ජනනායක අවධාරණය කළේය. තමා තවදුරටත් තම බදු වගකීම් පියවමින් සිටින බවත්, හිතාමතා බදු මග හැරීමක් සිදු කළ බවට එල්ල වී ඇති චෝදනා පදනම් විරහිත බවත් ඔහු නැවත අවධාරණය කළේය.
ඔහුගේ සටහන පහතින්,