මහ බැංකුවෙන් මුදල් ගෙවීමට හදුන්වා දුන් නව ඩිජිටල් ක්‍රමවේදය මෙන්න.

කාසි සහ නෝට්ටු රහිත QR කේතය මත පදනම් වූ ඩිජිටල් ගෙවීම් සිදු කිරීමේ ක්‍රමවේදය "Lanka QR" නමින් මහ බැංකුව විසින් හදුන්වා දී තිබෙනවා.

ශ්‍රී ලංකාවේ ඩිජිටල් ගනුදෙනු ක්ෂේත්‍රයේ විප්ලවීය වෙනසක් ලෙසයි මෙය සැලකෙන්නේ.

මේ අතර අවිධිමත් මාර්ග හරහා දිවයිනට ලැබෙන විදේශ ප්‍රේෂණ නියමානුකූල ක්‍රම මාර්ගයෙන් ගෙන්වාගැනීමට ඉදිරියේදී පියවර ගන්නා බව මහ බැංකු අධිපති අජිත් නිවාඩ් කබ්රාල් මහතා පවසනවා.

ඩිජිටල් මූල්‍යකරණයේ ඉදිරි පියවරක් තබමින් ලංකා කිවු ආර් වැඩසටහන දිවයින පුරා ක්‍රියාත්මක කිරීම ආරම්භ කරමින් අද පෙරවරුවේ පැවති වැඩසටහනේදී ඔහු මේ බව පැවසුවා.

ඒ අනුව ශ්‍රී ලංකාවට මුදල් එවීම සඳහා ‘ලංකා රෙමිට්’ නමින් නව ඩිජිටල් ක්‍රමවේදයක් හඳුන්වා දෙන බවයි මහ බැංකු අධිපතිවරයා පැවසුවේ.