ගුරු-විදුහල්පති වැටුප් ගැටලුව පිළිබඳ තීන්දුව ලැබෙන හැටි මෙන්න.

ගුරු-විදුහල්පති වැටුප් ගැටලුව පිළිබඳ කැබිනට් මණ්ඩල තීන්දුව ලබන සතියේ දැනුම් දෙන බව, කැබිනට් ප්‍රකාශක අමාත්‍ය ඩලස් අලහප්පෙරුම කියයි.

මේ අතර සැප්තැම්බර් අවසාන සතියේ හෝ ඔක්තෝබර් මුල් සතියේ පාසල් නැවත විවෘත කරන ලෙස අධ්‍යාපන අමාත්‍ය දිනේෂ් ගුණවර්ධන අදාළ පාර්ශවයන්ට උපදෙස් ලබා දී ඇති බව දැනගන්නට ඇත.

මේ දිනවල පවතින කොරෝනා තත්ත්වය හේතුවෙන් දැඩි සෞඛ්‍ය සීමා සහිතව පාසල් නැවත විවෘත කිරීමට අධ්‍යාපන අමාත්‍යාංශය සලකා බලයි.

කෙසේ වෙතත්, අධ්‍යාපන කටයුතු සඳහා පාසලට සමහර පන්තිවලට පමණක් ආරාධනා කිරීම හෝ භ්‍රමණය වෙමින් අදියර වශයෙන් පන්ති සඳහා අධ්‍යාපන කටයුතු කරගෙන යාම පිළිබඳව අධ්‍යාපන අමාත්‍යාංශය සක්‍රීයව සොයා බලමින් සිටී.

මීට අමතරව, පාසල් දරුවන්ට එන්නත ලබා දීමෙන් පසු පාසල් නැවත විවෘත කිරීම සම්බන්ධයෙන් සෞඛ්‍ය අමාත්‍යාංශයෙන් අධ්‍යාපන අමාත්‍යාංශයට උපදෙස් ලැබී තිබේ.

එමෙන්ම, වයස අවුරුදු 12 ත් 18 ත් අතර පාසල් දරුවන්ට covid එන්නත ලබාදීම සම්බන්ධයෙන් අවධානය යොමු වී තිබෙනවා.

ඒ අනුව ජනාධිපතිවරයා සමඟ සාකච්ඡා කර තීරණයකට එළැඹෙන බවයි සංචාරක අමාත්‍ය ප්‍රසන්න රණතුංග ප්‍රකාශ කලේ.