විරෝධතා රැසක් එල්ල වූ ත්‍රස්තවාදයෙන් රාජ්‍ය ආරක්ෂා කිරීමේ පනත් කෙටුම්පත ගැන ශ්‍රේෂ්ඨාධිකරණ මතය කථානායක වෙතට
යෝජිත ත්‍රස්තවාදයෙන් රාජ්‍ය ආරක්ෂා කර ගැනීමේ පනත් කෙටුම්පත පිළිබඳ ශ්‍රේෂ්ඨාධිකරණ මතය කථානායකවරයා වෙත දැනුම් දී ඇති බව කථානායක කාර්යාලය අද (10) දින දන්වා ඇති බව සඳහන්.
රජය විසින් ඉකුත් දා ත්‍රස්තවාදයෙන් රාජ්‍ය ආරක්ෂා කරගැනීමේ පනත් කෙටුම්පත ගෙන එනු ලැබූ අතර ඊට පාර්ශ්ව ගණනාවකින් විරෝධය එල්ල වී තිබෙනවා.
එසේම එක්සත් ජාතීන්ගේ සංවිධානය සඳහන් කර ඇත්තේ රජය විසින් යෝජිත ත්‍රස්තවාදයෙන් රාජ්‍ය ආරක්ෂා කර ගැනීමේ පනත් කෙටුම්පත ජාත්‍යන්තර මානව හිමිකම් නීතියට අනුකූල වන පරිදි සංශෝධනය කළ යුතු බවයි.
එමෙන්ම එම සංවිධානයේ විශේෂඥයන් පෙන්වා දී ඇත්තේ ඉදිරිපත් කර ඇති ත්‍රස්තවාදයෙන් රාජ්‍ය ආරක්ෂා කිරීමේ පනත් කෙටුම්පත තුළ යහපත් ප්‍රවණතාවක් පැවතියද විසඳිය යුතු තීරණාත්මක ගැටලු කිහිපයක් පවතින බවයි.
එසේම එක්සත් ජාතීන්ගේ සංවිධානයේ විශේෂඥයින් අවධාරණය කර ඇත්තේ රඳවා තබා ගැනීමේ නියෝග, කඩිනම් සහ ඵලදායී අධිකරණ පාලනයකට සහ අධීක්ෂණයට යටත් විය යුතු බවත්, රඳවා තබා ගැනීම සම්බන්ධ අභියාචනා විභාග කරන ස්වාධීන සමාලෝචන කමිටුව සැබවින්ම ස්වාධීන විය යුතු බවත්, ත්‍රස්තවාදය යන්නෙහි අර්ථ නිරූපණය හිතාමතා මරණය හෝ බරපතළ ශාරීරික හානි සිදුකරන ක්‍රියාවලට පමණක් සීමා විය යුතු අතර දේපළවලට සිදුවන හානි ඊට ඇතුළත් නොවිය යුතු බවත්ය.
![මේ මාර්ගයට හදිසි පස් කඳු කඩා වැටීම හේතුවෙන් විශේෂ දැනුම්දීමක් - හෙට උදෑසන 6 දක්වා වලංගුයි [UPDATE]](https://cdn.ibcstack.com/article/696adad2-985a-4c3b-b039-f97e4ed28410/26-6af3330ead041-sm.webp)
![අනුරාධපුර රඹෑව බිහිසුණු අනතුර ඇසින් දුටු සාක්ෂිකරුවෙකුගේ හෙළිදරවිව - ''බස් එක සම්පූර්ණයෙන් ගිනි ගන්න දුම දැම්මා'' [VIDEO]](https://cdn.ibcstack.com/article/0f95cf61-48f8-41f2-ab5e-0f9800977d5e/26-6af301dab8170-sm.webp)
