තවත් දැවැන්ත විරෝධයක් - හේතුව මෙන්න

අද (26) දින දහවල් කෑම පැයේදී, සෙවනල සීනි සමාගමේ සේවක සේවිකාවෝ ආයතනයේ ප්‍රධාන දොරටුව ඉදිරිපිට විරෝධතා උද්ගෝෂණයක නිරත විය.

මෙම විරෝධතාවය මූලිකව ඇතිවී ඇත්තේ 2025 වර්ෂයේ පෙබරවාරි මස සිට රජය බලයට පැමිණීමෙන් පසු සේවක වැටුප් කප්පාදු කිරීමට සම්බන්ධයෙනි.

සේවක පාර්ශවයට  අනුව, කප්පාදු කරන ලද වැටුප් නිසි තලයකින් නැවත පිහිටුවා නොමැති අතර, රජය වගකීම් වශයෙන් ලබා දීමට පොරොන්දු වූ රුපියල් දස දහසක අතිරේක මුදල ලබා දීමට නියමිතව තිබුණද, අතිරේක මුදලේ අඩු කොටසක් පමණක් සේවකයන්ට ලබා දී  ඇත.

ජනාධිපති කාර්යාලය අසල උණුසුම් තත්ත්වයක් - උපවාසකරුවන් සහ පොලීසිය ගැටේ

සේවකයින් පවසන්නේ, මෙම කප්පාදු සහ අඩු ගෙවීම් මගින් ඔවුන්ට දැඩි මූල්‍ය පාඩුවක් සිදුව ඇති අතර, නිසි වැටුප් තලයක වැටුප් ලබාදීම සහ පෙර පොරොන්දු වූ අතිරේක මුදල ගෙවීම අත්‍යවශ්‍ය බවයි.

සේවක පාර්ශවය ඉල්ලා සිටින්නේ, කප්පාදු කරන ලද වැටුප් ඉතා ඉක්මණින් නිසි තලයක පිහිටුවා ක්‍රමවත් ලෙස ගෙවීම් සිදු කිරීමට කටයුතු කරන ලෙසය. මෙම විරෝධතාවය සමාගමේ සේවකයින්ගේ අයිතිවාසිකම් හා ආර්ථික සුබසාධනය පිළිබඳ දැඩි අවධානයක් යොමු කළ යුතු බව සේවක පාර්ශවය අවධාරණය කරයි.

නැවතත් මාරාන්තික වෛරසයක් - රටම සීරුවෙන් - සියලු රටවල් ගුවන්තොටුපළ ආරක්ෂාව දැඩි කරයි