තත්ත්වය උණුසුම් - මාරාන්තික උපවාසය සිටි අයෙක් රෝහලට

ජනාධිපති ලේකම් කාර්යාලය ඉදිරිපිට මරාන්තික උපවාසක නිරතවූ සංවර්ධන නිලධාරියෙකු රෝහල්ගත කර ඇත. 1990 ගිලන් රථ සේවය මගින් එම කාන්තාව රෝහල වෙත රැගෙනගිය අතර රෝහල්ගතකළ මෙම නිලධාරියා ඇතුළු නිලධාරීන් තිදෙනෙකු ඊයේ සිට මෙලෙස මාරාන්තික උපවාසයේ නිරතවෙයි.

පාසල් සංවර්ධන නිලධාරි සංගමයේ සාමාජිකයන් පිරිසක් විසින් කොළඹ ජනාධිපති ලේකම් කාර්යාලය ඉදිරියේ මේ වනවිට මාරාන්තික උපවාසයක් ආරම්භ කර ඇත.

ජනාධිපති කාර්යාලය අසල උණුසුම් තත්ත්වයක් - උපවාසකරුවන් සහ පොලීසිය ගැටේ

තමන්ව ගුරු සේවයට අන්තර්ගහනය කරන ලෙස ඉල්ලමින් ඔවුන් මේ විරෝධතාවයේ යෙදී සිටින අතර උපවාසය නතර කරන ලෙස පොලිසිය විසින් දැනුම්දීමත් සමග එම ස්ථානය උණුසුම් තත්ත්වයක් හට ගෙන ඇත.

අද (27) පෙරවරුවේ ඔවුන් "යුක්තියේ මළගම" ලෙසින් පෙට්ටියක් පුළුස්සා දැමූ අතර පොලිසිය ප්‍රකාශ කළේ එය කඩිනමින් ඉවත් කර ගන්නා ලෙසය.

වසර 7ක කාලයක් පාසල්වල ඉගැන්වීම් කටයුතු සිදුකළ තමන්ව ගුරු සේවයේ ස්ථීර කරන ලෙස බල කරමින් ගුරු සංවර්ධන නිලධාරීන් පිරිසක් ජනාධිපති ලේකම් කාර්යාලය ඉදිරිපිට ඊයේ (26) පෙරවරුවේ සත්‍යග්‍රහයක් ආරම්භ කරනු ලැබීය.

ලාංකිකයන්ට රුමේනියාවේ රැකියා අවස්ථා - රජයෙන්ම සහය දෙනවලු