අල්ලස් ගත් ගම්පහ ක්‍රයිම් ඕ.අයි.සී ඇප මත මුදා හරී - ඔහුට දරුණු රෝගයක්

ගම්පහ මූලස්ථාන පොලිසියේ අපරාධ අංශයේ ස්ථානාධිපතිවරයෙකු අල්ලස් ලබා ගැනීමේ සිද්ධියක් සම්බන්ධයෙන් රක්ෂිත බන්ධනාගාරගත කර සිටියදී, කොළඹ ප්‍රධාන මහේස්ත්‍රාත් අසංග එස්. බෝදරගම අද (27) දින නියෝග කර ඇත්තේ එම සැකකරු ඇප මත මුදා හැරීමටයි.

අදාළ සැකකරු බන්ධනාගාර නිලධාරීන් විසින් අධිකරණයට ඉදිරිපත් කිරීමෙන් පසුව මෙම නියෝගය ලැබිණි. සිද්ධියට අදාලව ජා-ඇල දඬුගම ප්‍රදේශයේ ව්‍යාපාරිකයෙකු විසින් කරන ලද පැමිණිල්ලකට අනුව අල්ලස් කොමිසම සිදුකළ වැටලීමේදී සැකකරු අත්අඩංගුවට ගෙන අධිකරණයට ඉදිරිපත් කරන ලදී.

අල්ලස් කොමිසම අධිකරණයට කරුණු දැක්වූයේ, සැකකරුට ඇප ලබා දීමෙන් ප්‍රකාශ ලබා ගැනීමට සිටින සාක්ෂිකරුවන්ට බලපෑම් ඇති විය හැකි බවත්, එම සැකකරු වෙනත් පුද්ගලයන්ගෙන් අල්ලස් ලබා ගැනීම් සම්බන්ධයෙන්ද පැමිණිලි ලැබී ඇති බවත්ය.

රජයේ රැකියා ලැබෙයිද? මෙන්න අලුත්ම පණිවිඩේ

මෙම සිද්ධියට අනුව, රු. 300,000/- මුදලක් සහ රන් පවුම් තුනක් අල්ලස් වශයෙන් ඉල්ලූ අවස්ථාවේදී මෙම පොලිස් නිලධාරියා අත්අඩංගුවට ගත් බව විමර්ශන නිලධාරීන් අධිකරණයට දැන්වූහ. සැකකරු වෙනුවෙන් පෙනී සිටි නීතිඥවරයා අධිකරණය හමුවේ, සැකකරුගේ දියණිය මේ වසරේ අපොස උසස් පෙළ විභාගයට සහ අනෙක් දරුවා අපොස සාමාන්‍ය පෙළ විභාගයට පෙනී සිටින බව සඳහන් කළේය.

තවද, සැකකරු අපස්මාර රෝගීන් පෙළෙන බව සලකා සුදුසු කොන්දේසියක් යටතේ ඇප ලබා දෙන ලෙස ඉල්ලා සිටියා. ඉදිරිපත් කරන ලද කරුණු සලකා කොළඹ ප්‍රධාන මහේස්ත්‍රාත් අද (27) සැකකරු ඇප මත මුදා හැරීමට නියෝග කළේය.

මේක මේ මහා අමුතු දෙයක් නෙමෙයි ගල් අගුරු සිද්ධිය ගැන නලින්ද පැහැදිලි කරයි