අද සිට මුලු දිවයින පුරාම ආවරණය වන පරිදි පොලීසියෙන් විශේෂ දෙයක් කරන්න යයි..

උත්සව සමය අවසන් වන තුරු අද (23) සිට පැය 24 ම ආවරණය වන පරිදි දිවයින පුරාම රථවාහන පොලිස් නිලධාරීන් යොදවා මගී ප්‍රවාහන බස් රථ ඇතුළු අනෙකුත් වාහන පරීක්ෂා කිරීමේ විශේෂ රථවාහන මෙහෙයුමක් ක්‍රියාත්මක කරන බව පොලිස් මූලස්ථානය පවසනවා.

පසුගිය දිනවල මගී ප්‍රවාහන බස් රථ ඇතුළුව සිදු වූ රිය අනතුරු සැලකිල්ලට ගනිමින් උත්සව සමයේ අනතුරු අවම කර ගැනීමට වැඩබලන පොලිස්පතිවරයාගේ උපදෙස් අනුව මෙම මෙහෙයුම ක්‍රියාත්මක කරන බවයි පොලීසිය ප්‍රකාශ කළේ.

නව වසරේ රාජ්‍ය අංශයේ කරන්න යන විශේෂ වෙනස මෙන්න..

මෙහිදී පොලීසිය පැවසුවේ, ප්‍රධාන වශයෙන් පොදු මගී ප්‍රවාහන බස් රථ පරීක්ෂා කර මත්පැන් හෝ මත්ද්‍රව්‍ය භාවිතා කර හා මාර්ග නීති උල්ලංඝනය කරමින් අන්තරායදායක ලෙස රිය ධාවනය කරන රියදුරන්ට එරෙහිව නීතිය ක්‍රියාත්මක කරන බවයි.

මාර්ග නීති උල්ලංඝනය කරමින් ධාවනයේ යෙදෙන බස් රථ ඇතුළු රථ වාහන සම්බන්ධයෙන් 119 හා 1997 යන කෙටි දුරකථන අංකවලට හෝ පොලිස් කොට්ඨාස භාර නිලධාරින්ගේ ජංගම දුරකතන අංක වෙත මෙන්ම රථ වාහන මූලස්ථානයේ සහ කොළඹ නාගරික ,බස්නාහිර පළාත උතුර සහ දකුණ යන රථ වාහන කොට්ඨාසවල අධ්‍යක්ෂවරුන්ගේ 0718591967,0718591741 , 0718592857, 0718592278 යන ජංගම දුරකතන අංක වෙතද තොරතුරු ලබා දීමට හැකියාව ලැබේ.

ප්‍රධාන මෝල් හිමියන් හාල් හිඟවීමට කරන වැඩක් ගැන ප්‍රකාශයක්..

එමෙන්ම පොලිස් මාධ්‍ය කොට්ඨාසය නිවේදනය කළේ, මාර්ග නීති රීති උල්ලංඝන කිරීම් හෝ අනෙකුත් වැරදි සම්බන්ධයෙන් ඇති වීඩියෝ පට ඇත්නම් ඒවා වට්ස්ඇප් මඟින් එම දුරකථන අංක වෙත යොමු කිරීමට හැකියාව පවතින බවයි.

You May Like This Video