තවත් සද්ධන්තයෙකු රෝගාතුර වේ - ජීවිතය බේරා ගැනීමට අඛණ්ඩ ප්‍රතිකාර

අම්පාර දිස්ත්‍රික්කයේ සමන්තුරේ ප්‍රදේශයේදී හදිසියේ රෝගාතුරව ඇදවැටී සිටින වන අලියාගේ ජීවිතය බේරාගැනීම සඳහා වනජීවී නිලධාරීන්, පශු වෛද්‍ය කණ්ඩායම්, ශ්‍රී ලංකා යුද හමුදාව සහ පොලිසිය එක්ව ඒකාබද්ධ මෙහෙයුමක් ආරම්භ කර තිබේ.

වයස අවුරුදු 25ත් 30ත් අතර පසුවන මෙම පිරිමි වන අලියා සාමාන්‍යයෙන් මනා ශරීර සෞඛ්‍යයකින් යුත්, පුෂ්ටිමත් සතෙකු බව නිරීක්ෂණය වී ඇත.

නඩු 4කට චාමරට ඇප

සත්වයාගේ බාහිර ශරීරයේ කිසිදු තුවාලයක් දක්නට නොලැබුණද, උදරය අසාමාන්‍ය ලෙස ඉදිමී පැවතීම හේතුවෙන් කිසියම් විසක් ශරීරගත වීමක් හෝ නොදිරන පොලිතීන් වර්ග ආහාරයට ගැනීම නිසා ඇති වූ ආමාශයික අවහිරතාවක් මෙලෙස රෝගාතුර වීමට හේතු වන්නට ඇතැයි මූලිකව සැක කෙරේ.

නැගෙනහිර කලාපීය වනජීවී පශු වෛද්‍ය ඒකකය, අම්පාර වනජීවී අඩවි කාර්යාලය සහ සමන්තුරේ බීට්ටු කාර්යාලය එක්ව අදාළ ප්‍රතිකාර කටයුතු සම්බන්ධීකරණය කරනු ලබන අතර ඊයේ (22) දිනයේදී සත්ත්වයාට අත්‍යවශ්‍ය ප්‍රතිජීවක ඖෂධ ලබාදීමට පියවර ගත් බව පරිසර අමාත්‍යාංශය නිවේදනය කළේය.

ප්‍රදේශයට ඇදහැලුණු අධික වර්ෂාව හේතුවෙන් සත්වයා වැටී සිටි පරිශ්‍රය ජලයෙන් යටවීම ප්‍රතිකාර කටයුතුවලට බාධාවක් වුවද, ප්‍රතිකාර කටයුතු අඛණ්ඩව සිදුකිරීම සඳහා එම ස්ථානයට වැලි යොදා භූමිය සකස් කිරීමේ කටයුතු මේ වන විට සිදුකෙරේ.

අදත් ඇඟ හිරිවැටෙන බිහිසුණු අනතුරක් - බදුල්ල - බණ්ඩාරවෙල ප්‍රධාන මාර්ගයේ වාහන හතරක් එකිනෙක ගැටෙයි

මෙම සංකීර්ණ බේරාගැනීමේ මෙහෙයුම සඳහා ශ්‍රී ලංකා යුද හමුදාවේ නිලධාරීන් 10 දෙනෙකුගේ සහ පොලිසියේ පූර්ණ සහයෝගය හිමිව තිබේ. සත්ත්වයාගේ ආරක්ෂාව තහවුරු කරමින් නියමිත වේලාවට ඖෂධ ලබාදීම සඳහා දිවා රාත්‍රී දෙකෙහිම වනජීවී නිලධාරී කණ්ඩායමක් එම ස්ථානයේ රැඳී සිටිමින් අඛණ්ඩ නිරීක්ෂණ කටයුතුවල නිරත වන බව පරිසර අමාත්‍යාංශය වැඩිදුරටත් සඳහන් කරයි.