ප්‍රබලයෙක්ගේ විවාහ මංගල්‍යය අවලංගුයි.

නවසීලන්ත අගමැතිනී ජසින්ඩා ආර්ඩන් සිය විවාහ මංගල්‍යය අවලංගු කර තිබේ.

නවසීලන්තය තුළ ඔමික්‍රොන් ව්‍යාප්තිය පාලනයට පනවා ඇති නව සීමා හේතුවෙන් ඇය මෙම පියවර ගෙන ඇති බව විදෙස් මාධ්‍ය වාර්තා කළේය.

සිය සහකරු ක්ලාර්ක් ගෙෆොර්ඩ් සමග එකට ජීවත් වන ඇය, 2019 වසරේදී ඔහු සමග විවාහ ගිවිස ගනු ලැබුවාය. නවසීලන්ත අගමැතිනී ජසින්ඩා ආර්ඩන් පැවසුවේ මත්පැන්හල් හා ආපනශාලා වැනි ගෘහස්ථ ආගන්තුක සත්කාර සැකසුම් සහ මංගල උත්සව වැනි සිදුවීම් සඳහා පුද්ගලයින් 100 කට සීමා කර ඇති අතර එවැනි ස්ථාන එන්නත් බලපත්‍ර භාවිතා නොකරන්නේ නම් පුද්ගලයින් 25 දක්වා සීමා කරන බවය.

මේ අතර වයස අවුරුදු 12ට වැඩි නවසීලන්ත ජනගහනයෙන් 94%ක් පමණ සම්පූර්ණයෙන්ම එන්නත් කර ඇති අතර සුදුසුකම් ඇති අයගෙන් 56%ක් පමණ බූස්ටර් එන්නත් ලබාගෙන ඇති බව විදෙස් මාධ්‍ය වාර්තා කළේය.