මගීන් ද සිටියදී හදිසියේ මගී ප්‍රවාහන බස් රථයක ඇති වුන ගින්න !

මගී ප්‍රවාහන බස් රථයක ගින්නක් දඹුල්ල අනුරාධපුර මාර්ගයේ බුලාගල ප්‍රදේශයේදී ලංගම බස් රථයක් හදිසියේ ගිනිගැනීමට ලක්ව තිබේ.

වැඩිදුර තොරතුරු වාර්තා වන්නේ ඊයේ(17) රාත්‍රියේ මගීන් ප්‍රවාහනය කරමින් තිබියදී මෙලෙස බස් රථය හදිසියේම ගිනි ගැනීමට ලක්ව ඇති බවටය.

පොලීසිය පැවසුවේ එම අවස්ථාවේ බස් රථයේ මගීන් සිටියද ගින්නෙන් කිසිදු ජීවිත හානියක් සිදුව නොමැති බවය.

සිද්ධිය සම්බන්ධයෙන් මේ වනවිට දඹුල්ල පොලිසිය විශේෂ විමර්ශනයක් ආරම්භ කර තිබේ. මේ අතර වලස්මුල්ල හිගුරුවත්ත ප්‍රදේශයේ දි බස් රථයක් අනතුරට ලක්වීමෙන් පාසල් සිසුන් ඇතුළු පුද්ගලයින් 29 දෙනෙකු තුවාල ලැබීය.

බස් රථයේ තිරිංග අක්‍රීය වීම හේතුවෙන් බස් රථය ගසක ගැටී අනතුර සිදුව ඇති බවයි පොලීසිය පැවසීය. කටුවන ප්‍රදේශයේ පාසලක සිසුන් පිරිසක් විහාරස්ථානයකට ගොස් යළි පාසල බලා පැමිණෙමින් සිටියදි අනතුර සිදුව තිබේ.

අනතුරින් සිසුන් 23 දෙනෙකු සහ ගුරුවරුන් සහ දෙමව්පියන් 6 දෙනෙකු තුවාල ලබා වලස්මුල්ල රෝහලට ඇතුළත් කර ඇති බවයි පොලිසිය පැවසීය. වලස්මුල්ල පොලිසීය වැඩිදුරටත් පැවසුවේ ඉන් කිසිවෙකුගේ තත්වය බරපතල නොවන බවය.