සංචාරක කර්මාන්තයට සුබ කාලයක් - රටවල් 40 ක් සඳහා නොමිලේ වීසා පහසුකම්

සංචාරක ව්‍යාපාරය නංවාලීමේ පියවරක් ලෙස රජය විසින් යෝජනා කරන ලද රටවල් 40 ක් සඳහා නොමිලේ වීසා පහසුකම ලබා දෙන ආගමන හා විගමන පනත යටතේ රෙගුලාසි පාර්ලිමේන්තුව විසින් අනුමත කරන ලදී.

ආගමන හා විගමන පනත යටතේ සකස් කරන ලද රෙගුලාසි මගින් එක්සත් රාජධානිය, ඇමරිකා එක්සත් ජනපදය, කැනඩාව, ඕස්ට්‍රේලියාව, නවසීලන්තය, ඔස්ට්‍රියාව, බෙලරුස්, බෙල්ජියම, චෙක් ජනරජය, ඩෙන්මාර්කය, ෆින්ලන්තය, ප්‍රංශය, ජර්මනිය, ඉතාලිය, නෙදර්ලන්තය, නෝර්වේ, පෝලන්තය, ස්පාඤ්ඤය, ස්වීඩනය, ස්විට්සර්ලන්තය, බහරේන්, ඉරානය, ඊශ්‍රායලය, කසකස්තානය, කුවේට්, නේපාලය, ඕමානය, පකිස්ථානය, කටාර්, සෞදි අරාබිය, දකුණු කොරියාව, තුර්කිය, එක්සත් අරාබි එමීර් රාජ්‍යය, චීනය, ඉන්දියාව, ඉන්දුනීසියාව, ජපානය, මැලේසියාව, රුසියාව සහ තායිලන්තය වැනි රටවල් 40 කට නොමිලේ වීසා පහසුකම ලබා දෙන බව මහජන ආරක්ෂක හා පාර්ලිමේන්තු කටයුතු අමාත්‍ය ආනන්ද විජේපාල පාර්ලිමේන්තුවට සදහන් කර ඇත.

කෙසේ වෙතත්, එම රටවල අමුත්තන් විසින් අනෙකුත් සියලුම ක්‍රියා පටිපාටි අනුගමනය කළ යුතු බවත්, වීසා ගාස්තුව පමණක් නිදහස් කරන බවත්, ඔවුන් විද්‍යුත් සංචාරක අවසරය (ETA) ලබා ගත යුතු බවත් අමාත්‍යවරයා පැවසීය.

මුදල් ලේකම් හර්ෂණ සූරියප්පෙරුම ජාතික ලැයිස්තුවට එද්දීත් ද්විත්ව පුරවැසියෙක් ද? ශිරාල් ලක්තිලකගෙන් බරපතළ චෝදනාවක්

නොමිලේ වීසා පහසුකම හේතුවෙන් රජයට ඇමරිකානු ඩොලර් මිලියන 75 ක පමණ පාඩුවක් අපේක්ෂා කරන බවත්, කෙසේ වෙතත්, නොමිලේ වීසා පහසුකම මඟින් තවත් සංචාරකයින් 247,000 ක් රටට ගෙන එනු ඇතැයි ඇස්තමේන්තු කර ඇති බවත් ඔහු පෙන්වා දුන්නේය.

අතිරේක සංචාරක පැමිණීම් හේතුවෙන් ඇමරිකානු ඩොලර් මිලියන 317 ක් උපයා ගැනීමට ඇස්තමේන්තු කර ඇත. මෙය ඇමරිකානු ඩොලර් මිලියන 242 ක ශුද්ධ ලාභයක් ගෙන එනු ඇති බව ඔහු තවදුරටත් සදහන් කර තිබේ