කොළඹ වරායේ සැපයුම් මධ්‍යස්ථාන සැලසුම අත්හැර නෑ - වරාය අධිකාරිය කියයි

කොළඹ වරායේ නවීන සැපයුම් යටිතල පහසුකම් සංවර්ධනය කිරීමේ සැලසුම අත්හැර දමා නොමැති බවත්, තරගකාරී ලංසු කැඳවීමක් හරහා රාජ්‍ය-පෞද්ගලික හවුල්කාරිත්ව ආකෘතියක් යටතේ නව සැපයුම් මධ්‍යස්ථානයක් ඉදිකිරීමට තීරණය කර ඇති බවත් ශ්‍රී ලංකා වරාය අධිකාරිය පවසයි.

පූර්ව හවුල් ව්‍යාපෘතිය නතර කිරීම සැපයුම් යටිතල පහසුකම් සංවර්ධනයෙන් ඉවත් වීමක් නොව, දිගුකාලීන වාණිජ සහ උපායමාර්ගික අරමුණුවලට ගැළපෙන විකල්ප ක්‍රමයකට යොමුවීමක් බව එම අධිකාරිය පෙන්වා දෙයි.

පෑලියගොඩ මධ්‍යම මත්ස්‍ය වෙළෙඳ සංකීර්ණය ගැන අවාසනාවන්ත ආරංචියක්

නව ව්‍යාපෘතිය සඳහා කොළඹ වරාය තුළ සැලකිය යුතු භූමි ප්‍රමාණයක් භාවිත කිරීමට නියමිත අතර, එමගින් කොළඹ වරාය බහාලුම් ප්‍රතිනැව්ගත කිරීමේ මධ්‍යස්ථානයකට එහා ගිය පුළුල් සමුද්‍රීය හා සැපයුම් මධ්‍යස්ථානයක් බවට පත් කිරීමට අපේක්ෂා කෙරේ. දකුණු ආසියානු වාණිජ හා සැපයුම් මධ්‍යස්ථාන ව්‍යාපෘතිය යටතේ වර්ග මීටර් 150,000ක පහසුකමක් වෙනුවෙන් ඩොලර් මිලියන 280කට ආසන්න හවුල් ව්‍යාපෘතියක් ක්‍රියාත්මක කිරීමට මීට පෙර සැලසුම් කර තිබුණි.

සිව් දෙනෙකුට ජීවිත අහිමි කළ අකුරණ අනතුරට සම්බන්ධ සිමෙන්ති ලොරි රථයේ රියදුරු අත්අඩංගුවට

චයිනා මර්චන්ට්ස් පෝර්ට් හෝල්ඩින්ග්ස් (70%), වරාය අධිකාරිය (15%) සහ ඇක්සස් ඉංජිනියරින්ග් (15%) හිමිකාරිත්වය දැරූ එම ව්‍යාපෘතියෙන් බාහිර තත්ත්වයන් මත කොටස් හිමියන් ඉවත් වූ අතර, ඔවුන් සිදුකළ ප්‍රාග්ධන දායකත්වය වන ඩොලර් මිලියන 29.8කට ආසන්න මුදල ආපසු ගෙවීමට නියමිතය.