යම් ජනප්‍රිය කෙනෙක් තමාට ආදරය කරනවා කියලා මවා ගනිමින් උමතුවෙන් කටයුතු කරනවා ද - එසේනම් එම භයානක තත්ත්වය ගැන ඔබ දැනුවත් ද..?

TV එකෙන් හෝ social media වලින්, news paper එකකින්, තමන්ගෙ ‍රටේ හෝ වෙනත් රටක ජනප්‍රිය ලස්සන කාන්තාවක් දුටුවම පිරිමි පුද්ගලයන්ට ඇය කෙරෙහි යම් ආකර්ෂණයක් හිතේ ඇතිවෙන්න පුලුවන්.

ඒ වගේම තමයි ජනප්‍රිය කඩවසම් පිරිමි පුද්ගලයෙක් දුටුවම ඔහු කෙරෙහි කාන්තාවන් තුළ යම් ආකර්ෂණයක් හිතේ ඇති වෙන්න පුලුවන්. විශේෂයෙන්ම තරුණ කාලයේදී. අපි ඒ විදිහට ඒ ජනප්‍රිය කෙනා ගැන හිතේ ආකර්ෂණයක් ඇතිවුණා කියලා ඒ කෙනා දන්නේ නැහැනේ.

නමුත් අපේ හිත තුළ එහෙම දෙයක් ඇතිවෙලා තියනවා. ඇතැම් විට ඒ ආකර්ෂණය දවසක් දෙකක් වගේ කාලයක් තිබිලා නැතිවෙලා යනවා.

එහෙම නැත්නම් කාලයක් ගියාම වෙන කෙනෙක් ගැන ඒ විදිහ ආකර්ෂණයක් හිතේ ඇතිවෙන්නත් පුලුවන්. ඒ දේවල් සාමාන්‍යයෙන් සිදුවන දේවල්. එහි කිසිම වරදක් නැහැ.

අද මම ලිපියෙන් කියන්න යන්නේ, එලෙස හිතේ ඇතිවෙන්න පුලුවන් ආකර්ෂණයට වඩා එහා ගිය දෙයක් ගැන.ඒ කියන්නේ සාමාන්‍ය තත්ත්වයට වඩා එහා ගොස් ඇතිවන මානසික ආබාධ තත්ත්වයක් ගැන.

ඒ තමයි තමන් දකින යම් ජනප්‍රිය, සමාජයේ යම් පිළිගැනීමක් තිබෙන හෝ ධනවත් කෙනෙක් තමන්ට ආදරය කරනවා ලෙස හිතමින් මුලාවෙන් කටයුතු කරන තත්ත්වය. Erotomania කියලා තමයි මේක හඳුන්වන්නේ.

දේශපාලනයේ නියළෙන කෙනෙක්, නළුවෙක්/ නිළියක්, ගායකයෙක්/ ගායිකාවක්, ක්‍රීඩකයෙක්/ ක්‍රීඩිකාවක්, හොඳින් ධනය තිබෙන කෙනෙක්, එවැනි සමාජයේ යම් ජනප්‍රියත්වයක්, පිළිගැනීමක් තිබෙන කෙනෙක් තමන්ට ආදරය කරනවා ලෙස මවාගන්නවා. එහෙම හිතමින් උමතුවෙන් කටයුතු කරනවා. Delusional disorder එකක් ලෙස තමයි erotomania හඳුන්වන්නේ.

Erotomania තත්ත්වය කාන්තාවන් තුළ තමයි සාපේක්ෂව පිරිමි අයට වඩා බහුල වශයෙන් තිබෙන්නේ.

අපි බලමු erotomania තත්ත්වයේ ලක්ෂණ මොනවාද කියලා. එතකොට ඔයාලට තවදුරටත් මේක තේරුම් ගන්න පුලුවන් වේවි.

⁃ අදාළ ප්‍රසිද්ධ කෙනා ගැන නිතර නිතර තොරතුරු සෙවීම.

⁃ Social media වල දැඩි ලෙස සොයාබැලීම.

⁃ Photos, videos, වැනි දේවල් අනවශ්‍ය ලෙස එකතු කිරීම.

⁃ අදාළ පුද්ගලයාට ලිපි, තෑගි යැවීම.

⁃ නිතර නිතර calls, messages කිරීමට උත්සහ කිරීම.

⁃ තමන් සමඟ විවාහ වීමට ඉන්නේ හෝ දැනටත් විවාහ වී සිටින්නේ ලෙස සිතීම.

⁃ ජනප්‍රිය කෙනා ගතකරන පරිසරය නිසා තමයි දෙදෙනාට එකට සිටීමට බැරිවී තිබෙන්නේ ලෙස සිතීම.

⁃ දෙදෙනාට එක්ව ජීවිතය ගතකරන්න ගොඩක් බාධා තිබෙනවා ලෙස සිතීම.

⁃ TV එකේ හෝ social media වල දකිද්දී, උදාහරණයක් විදිහට හිතන්න රඟපෑමක්, ගායනයක් වැනි දෙයක් කරද්දී තමන්ට යම් යම් දේවල් ඉඟි කරනවා ලෙස සිතීම.

⁃ ඒ ජනප්‍රිය කෙනාට වෙනත් අය සමීප වෙයිද යන්න සැකයක් සහ ඊර්ෂ්‍යාවක් තිබීම. 

⁃ අදාළ පුද්ගලයා යන එන ගමන් බිමන් ගැන විමසිලිමත් වීම.

ඒ වගේම erotomania තත්ත්වය පවතින පුද්ගලයන් තුළ,

⁃ නින්ද ආශ්‍රිත ගැටලු

⁃ කළබලකාරී බව

⁃ අවධානය යොමුකිරීමේ ගැටලු

⁃ කතාබහ ඉක්මන් බව

⁃ සාමාන්‍ය ක්‍රියාකාරකම් වලට වඩා වැඩියෙන් ක්‍රියාකාරී වීම.

එවැනි ලක්ෂණයන්ද තිබෙනවා.

Erotomania තත්ත්වය තදබල වූ අවස්ථාවන් වලදී පහත දේවල් සිදුවෙන්න පුලුවන්,

⁃ පසුපස යාම

⁃ කරදර කිරීම

⁃ ජනප්‍රිය කෙනාට සමීප වීමට නොහැකි වී තිබෙන්නේ ‍වෙනත් අය ලෙස සිතමින් ඔවුන්ට හානි කිරීමට උත්සහ කිරීම

⁃ අවධානම් චර්යාවන් පෙන්නුම් කිරීම

⁃ ආක්‍රමණශීලී හැසිරීම්

Erotomania ඇතිවීම කෙරෙහි පහත සඳහන් කාරණා බලපාන්න පුලුවන්.

⁃ පවුලේ ඉතිහාසය තුළ erotomania තත්ත්වය තිබීම (genetically)

⁃ දුර්වල ආත්ම අවබෝධය සහ දුර්වලත ආත්මාභිමානය

⁃ සමීප සබඳතා නොමැති වීම සහ සමාජමය දුරස්බව

⁃ ප්‍රතික්ෂේපිත බව

⁃ දැඩි ආතතිය සහ කම්පන තත්ත්වයන්

⁃ මත්පැන් මත්ද්‍රව්‍ය වලට ඇබ්බැහිවීම

⁃ ඇතැම් මානසික රෝහ සම්බන්ධවද erotomania ඇතිවෙන්න පුලුවන්. ( schizophrenia, bipolar disorder) Erotomania තත්ත්වයට medication, psycho therapy වැනි ක්‍රියාමාර්ග වෙත යොමුවීම සිදුකළ යුතු වෙනවා. මුල් කාල සීමාව තුළම නිසි ක්‍රියාමාර්ග වෙත යොමුවීම මඟින් ඉතාමත් හොඳ ප්‍රතිඵල ලබාගන්න පුලුවන්.

අන්තර්ජාලයෙන් උපුටා ගැනීමකී.