පළමු වතාවට සාටකය නැතිව පාර්ලිමේන්තුවට ආව චමල්..

දුඹුරු පැහැති සාටකයකින් නිතර සැරසී සිටින හිටපු අමාත්‍ය චමල් රාජපක්ෂ මහතා සාටකය රහිතව පාර්ලිමේන්තු සභා ගර්භයට ඊයේ(05) පැමිණ සිටීම විශේෂ සිද්ධියක්විය.

ඔහුගෙන් දිස්වූ මෙම වෙනස සම්බන්ධයෙන් බොහෝ දෙනකු කතා කරනුද දැකගත හැකිවිය.

චමල් රාජපක්ෂ මහතා පාර්ලිමේන්තුවේ ආණ්ඩු පක්ෂයේ ඉදිරිපස සිවුවැනි ආසනයේ අසුන් ගෙන සිටියේය.

මේ අතර සාටකය පැළඳ නොසිටීම සම්බන්ධයෙන් මාධ්‍යවේදීන් පිරිසක් පාර්ලිමේන්තුවේ ආලින්දයේදී ඒ සම්බන්ධයෙන් ප්‍රශ්න කළ අවස්ථාවේදී ඔහු ඊට නිශ්චිත පිළිතුරක් ලබාදී තිබුණේ නැත.

අගමැති මහින්ද රාජපක්ෂ හිටපු අමාත්‍යවරුන් වන බැසිල් රාජපක්ෂ සහ නාමල් රාජපක්ෂ යන මහත්වරුන්ද රාජ්‍ය අමාත්‍ය ශෂීන්ද්‍ර රාජපක්ෂ මහතාද සාටක පැළඳ සිටිනු දැකගත හැකි විය.