“..බැලූ බැල්මට පේනවා එහෙම එකක්..මින් ඉස්සරහාට වුණොත්...” - අගමැති ඇතුළු පිරිස් ජනපති නිවසට ඇවිත් ගිය හැටි ! රෑ දනියල් දවල් මිගෙල් පොලිස් ඇමති ! මාධ්‍ය හමුවේ කියන කතා රැසක් මෙන්න...(VIDEO)

ජනාධිපති ගෝඨාභය රාජපක්ෂ මහතාගේ නිල නිවස ආසන්නයේ සිදු වූ කලහකාරි හැසිරීම පිටුපස අන්තවාදී කණ්ඩායමක් සිටින බවට ජනාධිපති මාධ්‍ය අංශය පවසනවා.

ජනතාව කෝප ගන්වා රට අරාජික කිරීමේ අරමුණින් මෙම ක්‍රියාව සිදු කර ඇති බවටයි, ජනාධිපති මාධ්‍ය අංශය නිකුත් කළ නිවේදනයේ දැක්වෙන්නේ.

මේ අතර ජනාධිපතිවරයාගේ නිවස වෙත ඊයේ(01) පෙරවරුවේ අග්‍රාමාත්‍යවරයා ඇතුළු මැති ඇමතිවරුන් පිරිසක් ද පැමිණ සිටියා.

පෙරේදා ඇති වු නොසන්සුන්කාරී තත්ත්වයෙන් පසු අලාභහානි වු දේපල සම්බන්ධයෙන් පොලිස් නිලධාරීන්  ඊයේ පෙරවරුවේ පරීක්ෂණ ආරම්භ කළා.

මේ අතර, මහා සංඝරත්නය මෙන්ම අග්‍රාමාත්‍යවරයා ඇතුළු දේශපාලනඥයින් කිහිපදෙනෙකුම ඊයේ පෙරවරුවේ ජනාධිපතිවරයාගේ නිවස වෙත පැමිණෙන අයුරු දක්නට ලැබුනා.

මේ අතර, ජනාධිපතිවරයාගේ නිල නිවස ආසන්නයේ ඇති වු සිද්ධිය සම්බන්ධයෙන් ජනාධිපති මාධ්‍ය අංශය නිවේදනයක් නිකුත් කර තිබෙනවා.

එම නිවේදනය මගින් ජනාධිපති මාධ්‍ය අංශය සඳහන් කලේ, යකඩ,මුගුරු, කැති, පොලු රැගත් කණ්ඩායමක් උද්ඝෝෂණයේ නිරත පිරිස උසිගන්වා කලහකාරී තත්ත්වය ඇති කර ඇති බවයි.

එම කළහකාරී සිදුවීම පිටුපස අන්තවාදී කණ්ඩායමක් සිටින බවට ජනාධිපති මාධ්‍ය අංශය නිකුත් කළ නිවේදනයේ සඳහන්. කලහකාරී ලෙස හැසිරුණු පිරිස අරාබි වසන්තයක් මෙරට ඇති කරමු යනුවෙන් හඩ නගමින් උද්ඝෝෂණය මෙහෙයවා ඇති බව ද එම නිවේදනයේ වැඩිදුරටත් සඳහන්. ඉතා සැලසුම්කාරී ලෙස නිර්නාමිකව සමාජ මාධ්‍ය භාවිත කරමින් ජනතාව කෝප ගන්වා රට අරාජජික කිරීමේ අරමුණින් මෙම ක්‍රියාව සිදු කර ඇති බවයි ජනාධිපති මාධ්‍ය අංශය සඳහන් කළේ.

මේ අතර ඇති වූ කලහකාරී සිදුවීම අන්තවාදි ක්‍රියාවක් බව ඊයේ රාත්‍රියේ එම ස්ථානයට පැමිණි මහජන ආරක්ෂක අමාත්‍යවරයා ද සඳහන් කළා.

කෙසේවෙතත් ඔහු මාධ්‍යවේදීන් හමුවේ ප්‍රකාශ කළේ මෙය අන්තවාදී ක්‍රියාවක් නොවන බවයි. මේ අතර විරෝධතාව පැවති මිරිහාන ප්‍රදේශයේ පවිත්‍රතා කටයුතු  ඊයේ පස්වරුවේත් මෙලෙසින් සිදු කෙරුණු අතර එම අවස්ථාවේ දී ජනාධිපතිවරයා ද එම ස්ථානයෙන් මෙලෙසින් පිටත්ව ගියා.

විඩියෝ දර්ශන - Hiru News Y-Tube Channel