වැඩිම ආසන ගානක් අල්ලන්න ට්‍රයි කරන සජබයෙන් ඇහෙන අලුත්ම ආරංචිය මෙන්න.- කිහිපදෙනෙකුට රතු එලියකුත්.
Wayomi
සමගි ජන බලවේගයෙන් පාර්ලිමේන්තුවට තේරී පත් වී වරප්‍රසාද ලබා ගැනිම සඳහා ආණ්ඩුවට එක් වු පිරිස් යළි පක්ෂයට නොගන්නා ලෙස ඊයේ (24) දින රැස්ව තීන්දුවක් ගෙන ඇති බව එම පක්ෂයේ අභ්‍යන්තර ආරංචි මාර්ග සඳහන් කරනවා.
කෙසේ වෙතත් එළැඹෙන මහමැතිවරණ පැවැත්වීම මේ වන විට දින නියම වී ඇති අතර ඒ සඳහා සමගි ජන බලවේගයෙන් පාර්ලිමේන්තු මැතිවරණය තරඟ කිරීමටත් එහිදී වැඩි ආසන ප්‍රමාණයක් ලබා ගැනීමට කටයුතු කල යුතු බව සාකච්ඡා වී ඇත.
නමුත් අදාළ සාකච්ඡාවේදී පක්ෂයෙන් ඉවත්ව හිටපු ජනාධිපති රනිල් වික්‍රමසිංහ හට සහාය පලකිරීමට ගිය රාජිත සේනාරත්න, හරින් ප්‍රනාන්දු, මනුෂ නානායක්කාර මෙන්ම තලතා අතුකෝරාල යන අය යළි පක්ෂයට සම්බන්ධ කරගන්නවාද යන්න සාකච්ඡා වී ඇති බව සඳහන්.
එහිදී එම සාකච්ඡාවට සම්බන්ධ වු බොහෝ දෙනෙකු පවසා ඇත්තේ පක්ෂ හැර ගිය පිරිස් යළි පක්ෂයට එක්කර ගැනීම සිදු නොකල යුතු බවයි.
මේ අතර මනුෂ නානායක්කාර සහ හරින් ප්‍රනාන්දු යන දෙදෙනාම පක්ෂයෙන් නෙරපීම පවා අධිකරණ තීන්දුවක් මඟින් ස්ථිර කළ ඇති අවස්ථාවක යළි ඔවුන්ව සම්බන්ධ කිරීම අවශ්‍ය නොවන බව පක්ෂ ප්‍රධානීන් තීන්දු කොට ඇති බව ආරංචි මාර්ග සඳහන් කරනවා.
