ඊශ්‍රායලයෙන් ගාසා තීරයට සහනයක්..

ඊශ්‍රායලය සෑම දින දෙකකට වරක්ම ගාසා තීරයට අවම ඉන්ධන ප්‍රමාණයක් ලබා දීමට එකඟතාව පළ කර තිබෙනවා.

ඇමරිකාව සිදු කළ දැඩි මැදිහත්වීමකින් අනතුරුව එම තීරණය ගෙන තිබෙනවා.

ඊශ්‍රායලය එකඟතාව පළ කර ඇත්තේ ඉන්ධන ලීටර් 140,000ක් පමණක් ලබා දීමටයි.

ගාසා තීරයේ පැතිර යා හැකි වසංගත රෝග වැලැක්වීම සඳහා ඉන්ධන, ජලය, අපද්‍රව්‍ය සහ සනීපාරක්‍ෂක පද්ධති යථා තත්ත්වයට පත් කිරීම මෙහි අරමුණයි.

එම ඉන්ධනවලින් වැඩි ප්‍රමාණයක් සහන කටයුතු වල නිරතවන ට්‍රක් රථ සඳහා වෙන් කර තිබෙනවා.

එම ඉන්ධන තොගය දිනක අවශ්‍යතාවයෙන් හරි අඩක් බවයි එක්සත් ජාතීන්ගේ සංවිධානය පවසන්නේ.

පසුගිය පැය විසි හතරේ සියලුම විදුලිය සහ සන්නිවේදන සබඳතා ඉන්ධන සංචිත අවසන් වීමත් සමඟ බිඳ වැටී තිබුණා.

විදෙස් මාධ්‍ය වාර්තා කරන්නේ ගාසා තීරයේ උග්‍ර ශ්වසන ආසාදන සහිත පුද්ගලයින් 70,000කට වැඩි පිරිසක් සහ පාචන වැළඳුනු රෝගීන් 44,000ක් ලෙසද වාර්තා වී ඇති නමුත් එම ප්‍රමාණය දෙගුණයක් විය හැකි බවයි.

පවුල් ආරවුල කෙළවර වුණු හැටි ..

.....................