දේශීය රතුලූනු සහ බිත්තර මිල ඉහළට - එළවළු වර්ග කිහිපයක මිල පහළට නව අගයන් මෙන්න

Report

පසුගිය සතියට සාපේක්ෂව මෙරට වෙළෙඳපොළ කිහිපයක දේශීය රතුලූනු සහ බිත්තර මිල ඉහළ ගොස් ඇති බව ශ්‍රී ලංකා මහ බැංකුව විසින් නිකුත් කරනු ලැබූ නවතම සතිපතා ආර්ථික දර්ශක වාර්තා මගින් අනාවරණය වී තිබේ.

ඒ අනුව පිටකොටුව වෙළෙඳපොළේ දේශීය රතුලූනු කිලෝග්‍රෑමයක සාමාන්‍ය සිල්ලර මිල පසුගිය නොවැම්බර් 13 වැනිදායින් අවසන් වූ සතිය වන විට රුපියල් 527.60ක් ලෙස පැවති අතර, එය නොවැම්බර් 20 වැනිදායින් අවසන් වූ සතියේදී රුපියල් 675ක් දක්වා ඉහළ ගොස් ඇත.

දිවයිනේ පවත්වාගෙන යන සියලුම පෙර පාසල් සඳහා රජයෙන් අතිවිශේෂ නිවේදනයක්

දිවයිනේ පවත්වාගෙන යන සියලුම පෙර පාසල් සඳහා රජයෙන් අතිවිශේෂ නිවේදනයක්

මෙය සතියක් තුළ රුපියල් 147.40ක හෙවත් සියයට 27.9ක මිල වැඩිවීමකි. එමෙන්ම, එම කාලසීමාව තුළ පිටකොටුව වෙළෙඳපොළේ සුදු බිත්තරයක සාමාන්‍ය සිල්ලර මිල රුපියල් 37.68 සිට රුපියල් 41.75 දක්වා රුපියල් 4.07කින් (සියයට 10.8කින්) ඉහළ ගොස් තිබේ.

අද හවසට පරිස්සමෙන් - දිස්ත්‍රික්ක 14කට ප්‍රබල අකුණු සහ තද සුළං පිළිබඳ හදිසි අනතුරු ඇඟවීමක්

අද හවසට පරිස්සමෙන් - දිස්ත්‍රික්ක 14කට ප්‍රබල අකුණු සහ තද සුළං පිළිබඳ හදිසි අනතුරු ඇඟවීමක්

මේ අතර, නාරාහේන්පිට ආර්ථික මධ්‍යස්ථානයේ ද දේශීය රතුලූනු කිලෝග්‍රෑමයක සාමාන්‍ය සිල්ලර මිල රුපියල් 700 සිට රුපියල් 820 දක්වා රුපියල් 120කින් (සියයට 17.1කින්) ඉහළ ගොස් ඇති අතර, සුදු බිත්තරයක සාමාන්‍ය සිල්ලර මිල රුපියල් 39.60 සිට රුපියල් 42 දක්වා වැඩි වී ඇති බව අදාළ වාර්තාවල සඳහන් වේ.

කෙසේ වෙතත්, අදාළ කාලසීමාව තුළ පිටකොටුව වෙළෙඳපොළේ එළවළු වර්ග කිහිපයක මිල පහළ ගොස් තිබේ. ඒ අනුව බෝංචි කිලෝග්‍රෑමයක සාමාන්‍ය සිල්ලර මිල රුපියල් 580 සිට රුපියල් 560 දක්වාත්, ගෝවා කිලෝග්‍රෑමයක මිල රුපියල් 720 සිට රුපියල් 700 දක්වාත්, තක්කාලි කිලෝග්‍රෑමයක මිල රුපියල් 680 සිට රුපියල් 650 දක්වාත් පහළ ගොස් ඇති බව මහ බැංකු දත්ත වැඩිදුරටත් පෙන්වා දෙයි.