ආපදා ගැන ඇත්ත හොයා ගන්න පාර්ලිමේන්තු තේරීම් කමිටුවක් පත් කරන්න - හර්ෂණ

සමඟි ජන බලවේගයේ පාර්ලිමේන්තු මන්ත්‍රී හර්ෂණ රාජකරුණා මහතා යෝජනා කර ඇත්තේ, අයහපත් කාලගුණ තත්ත්වය හේතුවෙන් ඇති වූ ආපදා අවම කිරීම සඳහා රජය මැදිහත් නොවීම පිළිබඳව සොයා බැලීමට විපක්ෂයට බලය හිමි පාර්ලිමේන්තු තේරීම් කාරක සභාවක් පත්කරන ලෙසයි.

මෙම යෝජනාව ඉදිරිපත් කරමින් ඔහු පවසා ඇත්තේ, විපක්ෂයට අවශ්‍ය වන්නේ ආපදාවේ ඇත්ත සැඟවීම නොව එහි සත්‍යතාව හෙළිදරව් කිරීම බවයි.

මන්ත්‍රීවරයා මෙම අදහස් දක්වා ඇත්තේ, ඊයේ (15) කොළඹදී පැවති සමඟි ජන බලවේගයේ මාධ්‍ය හමුවකදීය.

"අද මම කියපු දේ මතක තියාගන්න" - අප්‍රේල් වන විට රටට බරපතල ආර්ථික අර්බුදයක් - හරීන්

එහිදී ඔහු වැඩිදුරටත් අවධාරණය කර ඇත්තේ, නොවැම්බර් අග සහ දෙසැම්බර් මුලදී රට පුරා බලපෑ දිට්වා සුළි කුණාටුව හේතුවෙන් ඇති වූ ගංවතුර සහ නායයෑම්වලින් පුද්ගලයන් 640කට අධික සංඛ්‍යාවක් මියගොස් ඇති බවත්, තවත් 200කට අධික පිරිසක් අතුරුදන්ව ඇති බවත්ය. මෙම ආපදාවෙන් නිවාස 15,000කට අධික සංඛ්‍යාවක් විනාශ වී ඇති අතර, ජනතාව 230,000කට අධික පිරිසක් අවතැන් වී ඇති බවත් ඔහු පෙන්වා දී තිබේ.

“අයහපත් කාලගුණ තත්ත්වය නිසා ඇති වුණ විනාශය අවම කරගන්න තිබුණ හැකියාව මේ අය නැති කරගත්තා. මේ අය නිසි සූදානමක් තිබ්බේ නෑ. ජාත්‍යන්තර මාධ්‍ය ජාත්‍යන්තර ආයතන මේ අපේ රටේ දේශගුණික ආයතන ආණ්ඩුවට මෙච්චර අනතුරු ඇඟවීම් කළත් ඒ පිළිබඳව නිසි ආකාරයේ ක්‍රියාත්මක නොවීම තමයි දහස් ගණනක් ජීවිත නැතිවෙන්න, කෝටි ප්‍රකෝටි ගාණක් දේපළ නැතිවෙන්න ප්‍රධාන හේතුව බවට පත්වෙන්නේ. අපි යෝජනා කරනවා ඉතා පැහැදිලිවම පාර්ලිමේන්තු තේරීම් කාරක සභාවක් විපක්ෂයට බලය ලැබෙන ආකාරයේ සභාපති ධූරය, බහුතර සාමාජිකයින් ගණන සහිත. මෙතැනදී ඇත්තට ඇත්ත සඟවන්න නෙවෙයි අපට වුවමනාව තියෙන්නේ. මේ වැරැද්ද කොහොමද වුණේ මොකද වුණේ මේ වැරැද්ද මේ රටේ යළි ඇති නොවෙන ආකාරයට පාර්ලිමේන්තු තේරීම් කාරක සභාවක් මේ සිදුවීම පිළිබඳව පත්කරන්න කියල අපි යෝජනා කරනවා”

යනුවෙන් මන්ත්‍රීවරයා එහිදී පැවසීය.

‘විගණකාධිපති ධූරයට හිතවතෙකු පත් කරන්න හදන්නේ රේගු වංචා යට ගහන්නද?’ - පොහට්ටුවෙන් චෝදනා

මෙම ආපදාව සම්බන්ධයෙන් රජයේ අසමත්කම පිළිබඳව විපක්ෂයේ විවිධ පාර්ශ්වකරුවන්ගෙන් චෝදනා එල්ල වී ඇති අතර, කාලගුණ විද්‍යා දෙපාර්තමේන්තුව ලබාදුන් අනතුරු ඇඟවීම්වලට අනුව රජය ක්‍රියාත්මක නොවූ බවට චෝදනා එල්ල වී තිබේ. විපක්ෂ නායකයන් ඇතුළු පිරිස් රජයට එරෙහිව නීතිමය ක්‍රියාමාර්ග ගැනීමට සූදානම් වන බවත් වාර්තා වේ.

දිට්වා සුළි කුණාටුව ශ්‍රී ලංකා ඉතිහාසයේ මෙතෙක් සිදුවූ මාරාන්තිකම ස්වභාවික ආපදාවක් ලෙස සැලකෙන අතර, මධ්‍යම කඳුකරය ඇතුළු ප්‍රදේශ රැසකට බලපෑම් එල්ල වී ඇත. රජය විසින් ආපදා සහන කටයුතු සඳහා ජාත්‍යන්තර ආධාර ලබාගෙන ඇති අතර, එක්සත් ජාතීන්ගේ සංවිධානය ඇතුළු ආයතන ආධාර ලබාදීමට පියවර ගෙන තිබේ.

රංවල වංචාවක් කළා නම් විනය පියවරක් ගන්නවා - ඇමති නලින්ද