ආයෝජකයන්ගේ සුරක්ෂිතතාව තහවුරු කර තිබෙනවා - ජනපති කියයි

මෙරට ආයෝජන සඳහා ඇති අවස්ථා, ව්‍යාපාරික පරිසරය සහ නීතිමය තත්ත්ව පිළිබඳ අධ්‍යයනය කිරීමේ අරමුණින් ශ්‍රී ලංකාවේ සංචාරයක නිරත අමෙරිකානු ව්‍යාපාරික හියෝජිතයින් පිරිසක් සමඟ අද (10) පෙරවරුවේ ජනාධිපති ලේකම් කාර්යාලයේදී ජනපති අනුර කුමාර දිසානායක මහතා හමුවිය.

මෙහිදී ජනපතිවරයා පැවැසුවේ වත්මන් රජය යටතේ මෙ රටට පැමිණෙන ආයෝජකයන්ගේ සහ ආයෝජනවල සුරක්ෂිතභාවය තහවුරු කර ඇති බවයි. ශ්‍රී ලංකාවේ මේ වන විට ආයෝප්න සඳහා සුරක්ෂිත පරිසරයක් නිර්මාණය කර ඇති බවත්. ආයෝජන සමිබන්ධයෙන් පසුගිය රජයයන් යටතේ පැවැති අක්‍රමවත්භාවය වෙනස් කරමින්, වර්තමාන රජ්ය ප්‍රජාතන්ත්‍රවාදී රාමුව තුළ, නව නීති සකස් කරමින් සිටින බවද ජනපතිවරයා යමෙහිදී වැඩිදුරටත් සඳහන් කළේය.

මහින්ද රාජපක්ෂව කකුල් දෙකෙන් එල්ලලා මරන්න ඕනි කියල මම කවදාවත් කිව්වේ නැහැ - ෆොන්සේකා

ඒ අනුව විදේශ ආයෝජන මෙරටට ගෙන්වා ගැනීම රජයේ ප්‍රමුඛ අරමුණක් වන බවත්, ඒ වෙනුවෙන් ආයෝජන ආරක්ෂාව තහවුරු කිරීම. ආයෝජන අවස්ථා පුළුල් කිරීම සහ පහසුකම් සැපයීම රජ්ය විසින් සිදු කරනු ලබන බවත්, ආයෝජන ආරක්ෂණ පනත ගෙන ඒමට කටයුතු කරන බවත් ජනාධිපතිවරයා අවධාරණය කළේය.

මෙරට ආයෝජන පරිසරය ශක්තිමත් කිරීම සඳහා ජාතිවාදය සහ ආගමිවාදය බැහැර කර ජාතික සමගිය ගොඩ නැඟීම, කාර්යක්ෂම රාජ්‍ය සේවයක් නිර්මාණය කිරීම, රාජ්‍ය තාන්ත්‍රික සම්බන්ධතා පාරදෘශ්‍ය අයුරින් පවත්වා ගැනීම සහ ඩිජිටල්කරණය මගින් තාක්ෂණික බාධාවන් ජය ගැනීම යනාදී අරමුණු ළඟා කර ගැනීමට රජය කටයුතු කරමින් සිටින බව ජනාධිපති අනුර කුමාර දිසානායක මහතා ඇමරිකානු නියෝජිත පිරිස හමුවේ වැඩිදුරටත් පැවසීය.

ඇමැති බිමල්ගේ මාධ්‍ය ලේකම් ඉල්ලා අස්වෙයි

Crow Holdings සභාපති හාර්ලන් ක්‍රෝ (Harlan Crow), අමරිකා එක්සත් ජනපද-ඉන්දියානු සබඳතා සහ M&A ව්‍යාපාර ප්‍රධානී ක්‍රිෂ්ණා බාලමි (Krishna Balam), Hudson Institute සභාපති සාරා ස්ටර්න් (Sarah Stern), Eagle Capital Management නිර්මාතෘ සහ සම - ප්‍රධාන ආයෝජන නිලධාරී රැවනල් ටී.කර (Ravenel B. Curry). Billingsley සමාගමෙහි සම නිර්මාතෘ ලුසී යබලින්ග්ස්ලි (Lucy Bellingsly), SMU Trustee හි ප්‍රජා නායක (Katherine Crow) සහ Hudson Institute සාමාජික යවෝල්ටර් රසල් මෙඩ් (Walter Russell Mead) යන මහත්ම මහත්මීහු යමෙම සාකච්ඡාවට එක්ව සිටියහ.

යමෙම අවස්ථාව සඳහා කම්කරු අමාත්‍ය සහ මුදල් සහ ක්‍රම සම්පාදන නියෝජ්‍ය අමාත්‍ය අනිල් ජයන්ත, මුදල් අමාත්‍යාංශයේ ලේකම් ආචාර්ය හර්ෂණ සූරියප්පෙරුම, ජනාධිපති ජ්‍යෙෂ්ඨ අතිරේක ලේකම් රසල් අපොන්සු යන මහත්වරුද සහභාගි වූහ. 

මර්දනය කියන්නේ මේ ආණ්ඩුවේ ස්ටයිල් එක - ඇරෙනවා කෙසේ වෙතත් දිනෙන් දින කර්මාන්තශාලා වැහෙනවා