ඔන්ලයින් වීසා ක්රමය යළිත් ඇරඹීමෙන් ගුවන්තොටුපළ පෝළිම් අඩුවේ...
Parami Dissanayake
ශ්‍රී ලංකාවට පැමිණීම සදහා මෙතෙක් අත්හිටුවා තිබු '' මාර්ගගත ක්‍රමයට වීසා බලපත්‍ර " (Online Visa) ලබා දීම යළි අද (27) දින අලුයම 12.00 පැයේ සිට ආරම්භ වුණි.
එබැවින්, අද දිනයේ කටුනායක ගුවන් තොටුපොළ වෙත පැමිණ ලබා ගත යුතු ( On Arrivel Visa) වීසා බලපත්‍ර ලබා ගැනීම සදහා වූ පෝලිම බොහෝ සෙයින් අඩු වී තිබෙනවා.
එමෙන් ම, ආරක්ෂක හේතූන් මත ශ්‍රී ලංකාවට පැමිණ වීසා ලබා ගැනීමට නොහැකි රටවල් 14 කට එම රටවැසියන් මෙරටට පැමිණීම සදහා මාර්ගගත ක්‍රමයට වීසා බලපත්‍ර ලබා ගැනීම හෝ එම රටවල ශ්‍රී ලංකා තානාපති කාර්යාලයෙන් වීසා බලපත්‍ර ලබා ගැනීම සිදු කළ යුතු බව ද සඳහන් වේ.
කෙසේ වෙතත්, මේ තත්වය ශ්‍රී ලංකාවට යළිත් සංචාරකයන්ගේ පැමිණීමේ වර්ධනයක් ඇති වීමට බලපානු ඇත.
ඉදිරි මාස කීපය තුළ ශ්‍රී ලංකාවට සංචාරකයන් පැමිණීමේ කාළය (Tourist Season) උදා වීමට නියමිතය.
කෙසේ නමුත්, මෙම වසර තුළ දී ශ්‍රී ලංකාවට රැගෙන ඒමට බලාපොරොත්තු වන විදේශීය සංචාරකයන් සංඛ්‍යාව23 ලක්ෂයකි.
