දකුණු කොරියාවෙන් උතුරු කොරියාවට රතු එළියක්..තවත් යුද්ධයක් ඇරඹෙයි?..

උතුරු කොරියාවට එරෙහිව ප්‍රහාර එල්ල කිරීමේ හැකියාව පිළිබඳව දකුණු කොරියානු ආරක්ෂක අමාත්‍යවරයා කළ ප්‍රකාශය උතුරු කොරියානු පාලනය විසින් හෙළා දැක තිබෙනවා.

ඊට අදාළව ප්‍රකාශයක් නිකුත් කර ඇති උතුරු කොරියානු නායකයාගේ සොහොයුරිය වන කිම් යෝ ජොන් සඳහන් කර ඇත්තේ මෙම ප්‍රකාශය දෙරට අතර අන්තර් සබඳතාවලට බාධා මතු කරන බවයි.

මෙවැනි ප්‍රකාශ හේතුවෙන් කොරියානු අර්ධද්වීපයේ හමුදා උණුසුම තවත් නරක අතට හැරෙනු ඇතැයි ඇය ප්‍රකාශ කර තිබෙනවා.

මේ වන විට රුසියාව සහ යුක්‍රේනය අතර පවතින යුධ ගැටුම් තත්ත්වය හමුවේ උතුරු කොරියාව සහ දකුණු කොරියාව අතර යම් මතගැටුමක් ඇතිවී දුරදිග ගියහොත් ඉදිරියේදී ලෝකයේ භයානක තත්ත්වයක් ඇති වීමට හේතුවක් වන බවයි යුධ විශ්ලේෂකයින් පවසන්නේ.